اتىراۋ وبلىسىنىڭ ماحامبەت اۋدانى سارايشىق اۋىلىنداعى كونە قالا ورنىندا قازبا جۇمىستارىن جۇرگىزۋ بارىسىندا العاشقى جادىگەرلەر تابىلدى, دەپ حابارلايدى قازاقپارات
ء«بىز جىلىتۋعا ارنالعان جاقسى ساقتالعان پەشى بار ۇيلەردىڭ ءبىرىن قازۋدى باستادىق. العاشقى قولعا تۇسكەن زاتتار دا بار. ول – 18 عاسىرداعى تيىندار, ونىڭ ىشىندە كۇمىس, بويتۇمار, سۇيەك پەن قىشتان جاسالعان بۇيىمدار بار», – دەدى اتىراۋ تاريحي-ايماقتىق مۋزەيىنىڭ ديرەكتورى راشيد حاريپوۆ.
ەسكە سالا كەتەيىك, ۇلى جىبەك جولىنىڭ بويىندا ورنالاسقان سارايشىق قالاسى «قازاقستاننىڭ كيەلى جەرلەرىنىڭ گەوگرافياسى» نىساندارىنىڭ تىزىمىنە ەنگەن. «رۋحاني جاڭعىرۋ» باعدارلاماسىن جۇزەگە اسىرۋ بارىسىندا مۇراجاي بيىل قالانى قازۋ جۇمىستارىنا كىرىستى. سوڭعى رەت بۇل جەردە جۇمىستار 10 جىل بۇرىن جۇرگىزىلگەن. ارحەولوگتار قىركۇيەكتىڭ سوڭىنا دەيىن جۇمىس جاسايدى. سارايشىق قالاسىن زەرتتەۋ باعدارلاماسى كەلەسى جىلى دا جالعاسادى.