بۇگىن استاناداعى ماسكەۋ كۇندەرى اياسىندا «جەرۇيىق» ساياباعىندا كەڭەس وداعىنىڭ باتىرى, گەنەرال ي.ۆ. پانفيلوۆتىڭ ەسكەرتكىشىنە جانە «28 پانفيلوۆشى» مونۋمەنتىنە گۇل قويۋ ءراسىمى ءوتتى, دەپ حابارلايدى قالا اكىمدىگىنىڭ مەديا ورتالىعى.
ماسكەۋلىك دەلەگاتسيانى ماسكەۋ ۇكىمەتىنىڭ ءمينيسترى, قالالىق سىرتقى ەكونوميكالىق جانە حالىقارالىق بايلانىس دەپارتامەنتىنىڭ باسشىسى سەرگەي چەرەمين باسقاردى. پانفيلوۆشىلارعا قۇرمەت كورسەتىپ, رۋحىنا تاعزىم ەتۋگە كەلگەندەردىڭ قاتارىندا ماسكەۋ مەملەكەتتىك دۋماسىنىڭ دەپۋتاتتارى, حالىقارالىق جانە وڭىرارالىق قاتىناستار ۆەدومستۆوسىنىڭ باسشىلارى, سونداي-اق تمد ەلدەرى بويىنشا ءوزارا ارەكەت جونىندەگى ماماندار بار.
شاراعا استانا اكىمدىگى تاراپىنان «الماتى» اۋدانىنىڭ اكىمى ادىلبەك سارسەنباەۆ, سىرتقى ساياسات باسقارماسىنىڭ باسشىسى ەرلان كاناليموۆ جانە ءدىن ىستەرى جونىندەگى باسقارما باسشىسى دانيار ەسين قاتىستى.
تاراپتار شارانىڭ ماڭىزدىلىعىن اتاپ ءوتىپ, قازا تاپقان جاۋىنگەرلەردىڭ رۋحىنا تاعزىم ەتتى.