«قازاقستان رەسپۋبليكاسى ۇلتتىق وليمپيادالىق كوميتەتى اتىنان جانە ءوز اتىمنان سىزدەردى پاريجدە كۇرەس تۇرلەرىنەن ءوتىپ جاتقان الەم چەمپيوناتىندا قول جەتكىزگەن جەتىستىكتەرىڭىزبەن قۇتتىقتايمىن. سىزدەر ەڭبەكقورلىق, تاباندىلىق پەن شەبەرلىكتىڭ ارقاسىندا ۇلتتىق قۇرامانىڭ قورجىنىنا ەكى كۇمىس مەدال سالدىڭىزدار. الداعى ۋاقىتتا تاعى دا الەمنىڭ ءىرى جارىستارىندا توپ جارىپ, جانكۇيەرلەردى قۋانتاسىزدار دەپ سەنەمىز! سىزدەرگە دەنساۋلىق, تابىس جانە جاڭا جەڭىستەر تىلەيمىن!», دەيدى ت.ق ۇلىباەۆ.
تيمۋر ق ۇلىباەۆ بۇل سوڭعى جىلدارداعى گرەك-ريم, ەركىن جانە ايەلدەر كۇرەسى فەدەراتسياسىنىڭ ماقساتتى ءارى بەلسەندى جۇمىسىنىڭ, جاتتىقتىرۋشىلار قۇرامى ەڭبەگىنىڭ جەمىسى ەكەنىن اتاپ ءوتىپ, الداعى ۋاقىتتا وزگە دە سپورت تۇرلەرىنەن الەم چەمپيوناتتارىنا قاتىساتىن قازاقستان قۇراما كوماندالارىنا ساتتىلىك تىلەدى.
ايتا كەتەيىك, سوڭعى التى جىلدا قازاقستان بالۋاندارى العاش رەت الەم چەمپيوناتىنىڭ فينالىنا شىعىپ, ەكى كۇمىس مەدال ەنشىلەدى. ۇوك باسشىسى الەمنىڭ ۆيتسە-چەمپيوندارى دەمەۋ جادىراەۆ پەن مەيرامبەك ايناعۇلوۆقا جانە گرەك-ريم كۇرەسىنەن قازاقستان ۇلتتىق قۇراما كومانداسىنىڭ باس جاتتىقتىرۋشىسى نۇرىم دۇيسەنوۆكە العىسىن ءبىلدىردى.