قازاقستان پرەزيدەنتى جاھاندىق باسەكەلەستىكتىڭ ارتۋى جاعدايىندا ەكونوميكانى اۋقىمدى تۇردە تسيفرلاندىرۋدىڭ وزەكتىلىگىن اتاپ ءوتتى.
– بۇگىندە بۇل ماسەلە الدىڭعى ورىنعا شىقتى. بۇكىل الەم وسى باعىتقا قاراي جىلجۋدا. ءبىز دە قالماۋعا ءتيىسپىز. بۇل – اسا كۇردەلى مىندەت. بارلىق ۆەدومستۆولار, مينيسترلىكتەر جانە وڭىرلەر ۇيلەسىمدى جۇمىس جۇرگىزۋى كەرەك, – دەدى ەلباسى.
اقپارات جانە كوممۋنيكاتسيالار ءمينيسترى مەملەكەت باسشىسىنا جاڭا باعدارلامادا كوزدەلگەن ءتورت باسىم باعىت جونىندە ايتتى.
– ءبىز قازىر باعدارلاما جوباسىن بارلىق مۇددەلى تاراپپەن بىرگە تالقىلادىق. «تسيفرلىق قازاقستان» باعدارلاماسى ارقىلى نەگىزگى 4 جۇمىس باعىتى قاراستىرىلادى. ولار: ينفراقۇرىلىمدى دامىتۋ, ادام كاپيتالىن جاقسارتۋ, ەكونوميكا سالالارىن تسيفرلاندىرۋ جانە مەملەكەتتىك قىزمەت كورسەتۋ جۇيەسىن جەتىلدىرۋ, – دەدى د.اباەۆ.
سوڭىندا نۇرسۇلتان نازارباەۆ بىرقاتار ناقتى تاپسىرما بەردى.