قاتىسۋشىلار قدب 2016 جىلى ەنگىزگەن ەرتە حاباردار ەتۋ جۇيەسىمەن تانىستى. جاڭا جۇيە بانك قارجىلاندىرعان ينۆەستيتسيالىق جوبالار مەن مامىلەلەردى ىسكە اسىرۋمەن, سونداي-اق بانكارالىق نەسيەلەۋگە بايلانىستى پايدا بولاتىن تاۋەكەلدەردى ۋاقىتىلى انىقتاۋعا جانە ارەكەت ەتۋگە مۇمكىندىك بەرەدى.
سەمينار جۇمىسىن اشقان قدب باسقارما توراعاسى بولات جامىشەۆ «ەكونوميكا مەن نەسيە نارىعىنداعى اعىمداعى وزگەرىستەرگە يكەمدى ارەكەت ەتەتىن ساپالى تاۋەكەل مەنەدجمەنتى دامۋ بانكىنە قارجىلاندىرۋشى ۇيىم رەتىندە اسا ماڭىزدى مانگە يە» ەكەنىن اتاپ ءوتتى. «سوڭعى ءۇش جىلدا بانك تاۋەكەل مەنەدجمەنتىنىڭ «پرواكتيۆتى» جۇيەسىن قۇردى, ول ماكروەكونوميكالىق تالىقسىتپالاردى قوسا العاندا سىرتقى ورتاداعى بارلىق سىن-تەگەۋرىندەرگە ۋاقىتىلى ارەكەت ەتۋگە مۇمكىندىك بەرەدى. 2015 جىلدىڭ باسىنان باستاپ قولدانىلىپ كەلە جاتقان نەسيە قورجىنىن سترەسس-تەستىلەۋ جاقسى مىسال بولا الادى, ول ۆاليۋتالىق تاۋەكەلدەرگە اسا سەزىمتال جوبالاردى انىقتاۋعا مۇمكىندىك بەردى. بۇل جوبالار بويىنشا ۋاقىتىلى جۇمىس بانككە نەسيە قورجىنىنىڭ ساپاسىن ساقتاپ قالۋعا كومەكتەستى», – دەپ باسا ايتتى ب. جامىشەۆ.
قدب-نىڭ ەرتە حاباردار ەتۋ جۇيەسى ءتورت كەزەڭىنەن تۇرادى: سايكەستەندىرۋ, باعالاۋ, باقىلاۋ جانە مونيتورينگ. ەحج بانكتىڭ قانداي دا ءبىر كونتراگەنتى بويىنشا تاۋەكەل بەيىنىنىڭ ناشارلاۋىنا ۋاقىتىلى ارەكەت ەتۋدى ەرتە كەزەڭدە قامتاماسىز ەتۋگە مۇمكىندىك بەرەدى. ەحج, حالىقارالىق ستاندارتتارعا سايكەس, قدب كونتراگەنتتەرىنە تاۋەكەل-ينديكاتورلار نەگىزىندە سايكەس مارتەبلەردى بەرۋدى قاراستىرادى. تاۋەكەل-ينديكاتورلاردىڭ ماندەرى «جاسىل» ايماقتا بولا الادى, الايدا نەسيەلەر ساپاسىنىڭ ەداۋىر ناشارلاعانى بايقالسا – «سارى» ايماقتا بولۋى مۇمكىن. ەگەر تاۋەكەل-ينديكاتورلار «قىزىل ايماقتا» بولسا, قارىز الۋشىنىڭ ءارى قارايعى ۇزدىكسىز قىزمەتىنە كۇدىك پايدا بولادى, جانە قارجىلىق كوۆەنانتتاردىڭ بۇزىلۋى ورىن الادى.
24 تامىزدا اياقتالاتىن سەمينار جۇمىسىنا شىۇ باب مۇشە بانكتەردىڭ وكىلدەرى قاتىستى: قىتايدىڭ دامۋ بانكى, ەجك بانكى (قىرعىزستاننىڭ ەسەپتىك-جيناقتاۋ كومپانياسى), رەسەيدىڭ ۆنەشەكونومبانكى, «اموناتبانك» (تاجىكستان), «حابيب بانك ليميتەد» (پاكىستان), شىۇ باب سەرىكتەس بانكتەرى: ەۋرازيالىق دامۋ بانكى, «اسب بەلارۋسبانك» ااق جانە موڭعوليانىڭ دامۋ بانكى, سونداي-اق ارمەنيا رەسپۋبليكاسىنىڭ ءانۇ «مسپ ينۆەستيتسي» جاق وكىلدەرى.
شىۇ-عا مۇشە مەملەكەتتەردىڭ ۋاكىلەتتى بانكتەرى اراسىنداعى بانكارالىق ىنتىماقتاستىق تۋرالى كەلىسىمگە 2005 جىلعى 26 قازاندا قول قويىلدى. بۇگىنگى تاڭدا شىۇ باب مۇشە بانكتەر كەلەسىلەر: «قازاقستاننىڭ دامۋ بانكى» اق, «رەسەي فەدەراتسياسىنىڭ دامۋ جانە سىرتقى ەكونوميكالىق قىزمەت بانكى (ۆنەشەكونومبانك)» مەملەكەتتىك كورپوراتسياسى, قىتايدىڭ مەملەكەتتىك دامۋ بانكى, «ەسەپتىك-جيناقتاۋ كومپانياسى» ااق (قىرعىز رەسپۋبليكاسى), «اموناتبونك» تاجىكستان رەسپۋبليكاسىنىڭ مەملەكەتتىك جيناۋقتاۋشى قورى جانە وزبەكستان رەسپۋبليكاسىنىڭ سىرتقى ەكونوميكالىق قىزمەتىنىڭ ۇلتتىق بانكى. 2017 جىلعى 9 ماۋسىمدا «حابيب بانك ليميتەد» (پاكىستان) مەن ءۇندى ينفراقۇرىلىمدىق قارجى كومپانياسى ء(ۇندىستان) ۇيىمنىڭ تولىق قۇقىلى مۇشەلەرىنە اينالدى.
«قازاقستاننىڭ دامۋ بانكى» اق (قدب) – 2001 جىلى قۇرىلعان قازاقستان ەكونوميكاسىنىڭ شيكىزات ەمەس جانە ينفراقۇرىلىم سەكتورىن جاڭعىرتۋ مەن دامىتۋ جونىندەگى ۇلتتىق دامۋ ينستيتۋتى. قىزمەتىنىڭ نەگىزگى باعىتتارى: وندىرىستىك ينفراقۇرىلىم مەن وڭدەۋ ونەركاسىبىن دامىتۋ, ەل ەكونوميكاسىنا ىشكى جانە سىرتقى ينۆەستيتسيالاردى تارتۋ جانە جاردەمدەسۋ. قدب يندۋستريالىق-يننوۆاتسيالىق دامۋدىڭ مەملەكەتتىك باعدارلامالارىنىڭ ءىرى ينۆەستيتسيالىق وپەراتورلارىنىڭ ءبىرى بولىپ تابىلادى. قدب «بايتەرەك» ۇلتتىق باسقارۋشى حولدينگى» اق قۇرىلىمىنا كىرەدى.