2010 جىلدان باستاپ يندۋستريالاندىرۋ كارتاسى اياسىندا استانادا 24 جوبا ىسكە اسىرىلدى, دەپ حابارلادى قالا اكىمدىگى مەديا ورتالىعىنىڭ تىلشىسىنە كاسىپكەرلىك جانە ونەركاسىپ باسقارماسى كاسىپكەرلىكتى جانە ونەركاسىپتى دامىتۋ ءبولىمىنىڭ باسشىسى ازامات راشيتوۆ.
«يندۋستريالاندىرۋ كارتاسى اياسىندا 2010-2016 جىلدار ارالىعىندا استانادا جالپى سوماسى 232,6 ملرد تەڭگەگە 24 جوبا ىسكە اسىرىلدى. سونىڭ ارقاسىندا شامامەن 3 مىڭ جۇمىس ورنى قۇرىلدى», – دەدى ءبولىم باسشىسى.
سونىمەن بىرگە, يندۋستريالاندىرۋ كارتاسى اياسىندا وندىرىستىك ءونىمنىڭ كولەمى اعىمداعى جىلدىڭ 7 ايىندا 22,3 ملرد تەڭگەگە نەمەسە 2016 جىلدىڭ سول كەزەڭىمەن سالىستىرعاندا 1,2 ەسە ارتىپ, 111,3 ملرد تەڭگەنى قۇرادى. ۆەدومستۆو مالىمەتتەرى بويىنشا جوبالاردىڭ جۇكتەمەسى ورتاشا ەسەپپەن العاندا 78 پايىزدى قۇرايدى.