ءدىني قىزمەت جانە ءدىني بىرلەستىكتەر تۋرالى
وسى زاڭ قازاقستان رەسپۋبليكاسىنىڭ ءوزىن دەموكراتيالىق, زايىرلى مەملەكەت رەتiندە ورنىقتىراتىنىن, اركiمنiڭ ار-وجدان بوستاندىعى قۇقىعىن راستايتىنىن, اركiمنiڭ دiني نانىمىنا قاراماستان تەڭ قۇقىلى بولۋىنا كەپىلدىك بەرەتىنىن, حانافي باعىتىنداعى يسلامنىڭ جانە پراۆوسلاۆيەلىك حريستياندىقتىڭ حالىقتىڭ مادەنيەتىنىڭ دامۋى مەن رۋحاني ومىرىندەگى تاريحي ءرولىن تانيتىنىن, قازاقستان حالقىنىڭ رۋحاني مۇراسىمەن ۇيلەسەتىن باسقا دا دىندەردى قۇرمەتتەيتىنىن, كونفەسسياارالىق كەلىسىمنىڭ, ءدىني تاعاتتىلىقتىڭ جانە ازاماتتاردىڭ ءدىني نانىمدارىن قۇرمەتتەۋدىڭ ماڭىزدىلىعىن تانيتىنىن نەگىزگە الادى.
1-تاراۋ. جالپى ەرەجەلەر
1-باپ. وسى زاڭدا پايدالانىلاتىن نەگiزگى ۇعىمدار
وسى زاڭدا مىناداي نەگiزگi ۇعىمدار پايدالانىلادى:
1) عيبادات ءۇيى (عيماراتى) – قۇدايعا قۇلشىلىق ەتۋگە, دۇعا وقىلاتىن جانە ءدىني جينالىستارعا, ءدىني ءتاۋ ەتۋگە ء(مىناجات ەتۋگە) ارنالعان ورىن;
2) ءدىني قىزمەت – ءدىندارلاردىڭ ءدىني قاجەتتىلىكتەرىن قاناعاتتاندىرۋعا باعىتتالعان قىزمەت;
3) ءدىني قىزمەتشى – ءدىني, ۋاعىزداۋشىلىق قىزمەتكە ءتيىستى ءدىني بىرلەستىك ۋاكىلەتتىك بەرگەن ادام;
4) ءدىني بىرلەستىك – قازاقستان رەسپۋبليكاسى ازاماتتارىنىڭ, شەتەلدىكتەر مەن ازاماتتىعى جوق ادامداردىڭ ءوز ءمۇددەلەرىنىڭ ورتاقتىعى نەگىزىندە ءدىني قاجەتتىلىكتەرىن قاناعاتتاندىرۋ ءۇشىن قازاقستان رەسپۋبليكاسىنىڭ زاڭنامالىق اكتىلەرىندە بەلگىلەنگەن تارتىپپەن بىرىككەن ەرىكتى بىرلەستىگى;
5) ميسسيونەرلىك قىزمەت – قازاقستان رەسپۋبليكاسى ازاماتتارىنىڭ, شەتەلدىكتەردىڭ, ازاماتتىعى جوق ادامداردىڭ, قازاقستان رەسپۋبليكاسىندا تىركەلگەن ءدىني بىرلەستىكتەردىڭ اتىنان قازاقستان رەسپۋبليكاسىنىڭ اۋماعىندا ءدىني ءىلىمدى تاراتۋعا باعىتتالعان قىزمەتى;
6) ۋاكىلەتتى ورگان – ءدىني قىزمەت سالاسىنداعى مەملەكەتتىك رەتتەۋدى جۇزەگە اسىراتىن مەملەكەتتىك ورگان.
2-باپ. قازاقستان رەسپۋبليكاسىنىڭ ءدىني قىزمەت جانە ءدىني بىرلەستىكتەر تۋرالى زاڭناماسى
1. قازاقستان رەسپۋبليكاسىنىڭ دiني قىزمەت جانە ءدىني بىرلەستىكتەر تۋرالى زاڭناماسى قازاقستان رەسپۋبليكاسىنىڭ كونستيتۋتسياسىنا نەگىزدەلەدى جانە وسى زاڭ مەن قازاقستان رەسپۋبليكاسىنىڭ وزگە دە نورماتيۆتiك-قۇقىقتىق اكتiلەرiنەن تۇرادى.
2. Eگep قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭدا كوزدەلگەننەن وزگەشە قاعيدالار بەلگىلەنگەن بولسا, وندا حالىقارالىق شارتتىڭ نورمالارى قولدانىلادى.
3-باپ. مەملەكەت جانە ءدىن
1. مەملەكەت ءدىن مەن ءدىني بىرلەستىكتەردەن بولىنگەن.
2. ءدىني بىرلەستىكتەر جانە قازاقستان رەسپۋبليكاسىنىڭ ازاماتتارى, شەتەلدىكتەر مەن ازاماتتىعى جوق ادامدار دىنگە كوزقاراسىنا قاراماستان زاڭ الدىندا تەڭ.
3. ەشبiر دiن مەملەكەتتىك نەمەسە مىندەتتى ءدىن رەتىندە بەلگىلەنبەيدى.
4. ءدىني ءبىلىم بەرۋ ۇيىمدارىن قوسپاعاندا, قازاقستان رەسپۋبليكاسىندا بiلiم بەرۋ مەن تاربيەلەۋ جۇيەسى ءدىن مەن ءدىني بىرلەستىكتەردەن بولiنگەن جانە زايىرلى سيپاتتا بولادى.
5. زاڭدى ءدىني قىزمەتكە كەدەرگى كەلتىرۋگە, جەكە تۇلعالاردىڭ دىنگە كوزقاراسى سەبەپتەرى بويىنشا ازاماتتىق قۇقىقتارىنىڭ بۇزىلۋىنا نەمەسە ولاردىڭ ءدىني سەزىمدەرىن قورلاۋعا, قانداي دا ءبىر دiندi ۇستانۋشىلار قاستەرلەيتىن زاتتاردى, قۇرىلىستار مەن ورىنداردى بۇلدىرۋگە جول بەرىلمەيدى.
6. اركىم قازاقستان رەسپۋبليكاسىنىڭ زاڭناماسىنا سايكەس ءدىني نەمەسە وزگە دە نانىمداردى ۇستانۋعا, ولاردى تاراتۋعا, ءدىني بىرلەستىكتەردىڭ قىزمەتىنە قاتىسۋعا جانە ميسسيونەرلىك قىزمەتپەن اينالىسۋعا قۇقىلى.
7. ەشكىمنىڭ دە ءوز ءدىني نانىمدارى سەبەپتەرى بويىنشا قازاقستان رەسپۋبليكاسىنىڭ كونستيتۋتسياسى مەن زاڭدارىندا كوزدەلگەن مىندەتتەرىن اتقارۋدان باس تارتۋعا قۇقىعى جوق.
ءدىني قىزمەتشىلەر, ميسسيونەرلەر, ءدىني بىرلەستىكتەردىڭ باسشىلارى نەمەسە قاتىسۋشىلارى (مۇشەلەرى) بولىپ تابىلاتىن قازاقستان رەسپۋبليكاسىنىڭ ازاماتتارى ساياسي ومiرگە قازاقستان رەسپۋبليكاسىنىڭ بارلىق ازاماتتارىمەن بىردەي تەك ءوز اتىنان عانا قاتىسا الادى.
8. ءدىن مەن ءدىني بىرلەستىكتەردىڭ مەملەكەتتەن ءبولىنۋ قاعيداتىنا سايكەس مەملەكەت:
1) قازاقستان رەسپۋبليكاسى ازاماتىنىڭ, شەتەلدىك پەن ازاماتتىعى جوق ادامنىڭ دىنگە جانە ۇستاناتىن دىنىنە ءوز كوزقاراسىن ايقىنداۋىنا, اتا-انالاردىڭ نەمەسە بالالاردىڭ وزگە دە زاڭدى وكىلدەرىنىڭ بالالاردى ءوز نانىمدارىنا سايكەس تاربيەلەۋىنە, مۇنداي تاربيەلەۋ بالانىڭ ءومىرى مەن دەنساۋلىعىنا قاتەر توندىرگەن, ونىڭ قۇقىقتارىنا قىسىم جاساعان جانە جاۋاپكەرشىلىگىن شەكتەگەن, سونداي-اق قازاقستان رەسپۋبليكاسىنىڭ كونستيتۋتسيالىق قۇرىلىسىنا, ەگەمەندىگىنە جانە اۋماقتىق تۇتاستىعىنا قارسى باعىتتالعان جاعدايلاردى قوسپاعاندا, ارالاسپايدى;
2) ءدىني بىرلەستىكتەرگە مەملەكەتتىك ورگانداردىڭ فۋنكتسيالارىن ورىنداۋدى جۇكتەمەيدى;
3) ەگەر دiني بiرلەستiكتەردiڭ قىزمەتi قازاقستان رەسپۋبليكاسىنىڭ زاڭدارىنا قايشى كەلمەسە, دiني بiرلەستiكتەردiڭ قىزمەتىنە ارالاسپايدى;
4) دiن ۇستاناتىن جانە ونى ۇستانبايتىن قازاقستان رەسپۋبليكاسىنىڭ ازاماتتارى, شەتەلدىكتەر مەن ازاماتتىعى جوق ادامدار اراسىندا, سونداي-اق ءارتۇرلى ءدىني بiرلەستiكتەر اراسىندا ءوزارا توزۋشىلىك پەن قۇرمەتتەۋ قاتىناستارىن ورناتۋعا جاردەمدەسەدى.
9. ءدىن مەن ءدىني بىرلەستىكتەردىڭ مەملەكەتتەن ءبولىنۋ قاعيداتىنا سايكەس ءدىني بىرلەستىكتەر:
1) مەملەكەتتiك ورگانداردىڭ فۋنكتسيالارىن ورىندامايدى جانە ولاردىڭ قىزمەتىنە ارالاسپايدى;
2) ساياسي پارتيالاردىڭ قىزمەتىنە قاتىسپايدى, ولارعا قارجىلىق قولداۋ كورسەتپەيدى, ساياسي قىزمەتپەن اينالىسپايدى;
3) قازاقستان رەسپۋبليكاسى زاڭناماسىنىڭ تالاپتارىن ساقتاۋعا مiندەتتi.
10. دiني نەگىزدەگى پارتيالاردىڭ قىزمەتىنە, ماقساتتارى مەن ءىس-ارەكەتى مەملەكەتتە ءبىر ءدiننىڭ ۇستەمدىگىن ورنىقتىرۋعا, ونىڭ iشiندە زورلىق-زومبىلىقپەن نەمەسە زورلىق-زومبىلىققا ۇندەۋمەن جانە وزگە دە قۇقىققا قارسى ءىس-ارەكەتتەرمەن بايلانىستى ءدىني وشپەندiلiكتi نەمەسە الاۋىزدىقتى قوزدىرۋعا باعىتتالعان ءدىني بiرلەستىكتەر قۇرۋعا جانە ولاردىڭ قىزمەتiنە تىيىم سالىنادى.
11. قازاقستان رەسپۋبليكاسىنىڭ زاڭدارىندا بەلگiلەنگەن تارتiپپەن تiركەلمەگەن دiني بiرلەستiكتەردiڭ قىزمەتiنە, سول سياقتى قازاقستان رەسپۋبليكاسىنىڭ ازاماتتارىن, شەتەلدىكتەر مەن ازاماتتىعى جوق ادامداردى دiنگە كوزقاراسىن ايقىنداۋدا, ءدىني بىرلەستىكتەردىڭ قىزمەتىنە, دiني جورالارعا جانە (نەمەسە) دiندi وقىپ-ۇيرەنۋگە قاتىسۋىنا نەمەسە قاتىسپاۋىنا قانداي دا بiر ماجبۇرلەۋگە جول بەرiلمەيدi.
12. قازاقستان رەسپۋبليكاسىنىڭ ازاماتتارىنا, شەتەلدىكتەر مەن ازاماتتىعى جوق ادامدارعا زورلىق-زومبىلىق كورسەتۋمەن نەمەسە ولاردىڭ دەنساۋلىعىنا وزگە دە زيان كەلتىرۋمەن نە ەرلى-زايىپتىلاردىڭ نەكەسىن بۇزۋمەن (وتباسىنىڭ بۇزىلۋىمەن) نەمەسە تۋىستىق قارىم-قاتىناستاردى توقتاتۋمەن, يماندىلىققا نۇقسان كەلتىرۋمەن, ادامنىڭ جانە ازاماتتىڭ قۇقىقتارى مەن بوستاندىقتارىن بۇزۋمەن, ازاماتتاردى قازاقستان رەسپۋبليكاسىنىڭ كونستيتۋتسياسى مەن زاڭدارىندا كوزدەلگەن مىندەتتەرىن اتقارۋدان باس تارتۋعا تۇرتكى بولۋمەن جانە قازاقستان رەسپۋبليكاسىنىڭ زاڭناماسىن وزگە دە بۇزۋشىلىقپەن ۇشتاساتىن ءدىني بىرلەستىكتەر قىزمەتىنە جول بەرىلمەيدى.
13. قازاقستان رەسپۋبليكاسىنىڭ ازاماتتارىن, شەتەلدىكتەر مەن ازاماتتىعى جوق ادامداردى, ونىڭ ىشىندە قايىرىمدىلىق قىزمەت ارقىلى جانە (نەمەسە) ولاردىڭ ءدىني بىرلەستىكتەردەن شىعۋىنا كەدەرگى كەلتىرەتىن, ونىڭ ىشىندە قازاقستان رەسپۋبليكاسى ازاماتتارىنىڭ, شەتەلدىكتەر مەن ازاماتتىعى جوق ادامداردىڭ ماتەريالدىق نەمەسە وزگە دە تاۋەلدىلىگىن پايدالانا وتىرىپ بوپسالاۋ, كۇش قولدانۋ نەمەسە كۇش قولدانامىن دەپ قورقىتۋ جولىمەن نە الداۋ جولىمەن ءوز قىزمەتىنە ماجبۇرلەپ تارتاتىن ءدىني بىرلەستىكتەردىڭ قىزمەتىنە جول بەرىلمەيدى.
14. ءدىني بىرلەستىكتىڭ قاتىسۋشىلارىن (مۇشەلەرىن) جانە ءدىن ۇستانۋشىلارىن ءدىني بىرلەستىكتىڭ, ونىڭ باسشىلارى مەن باسقا دا قاتىسۋشىلارىنىڭ (مۇشەلەرىنىڭ) پايداسىنا وزدەرىنە تيەسىلى مۇلكىن يەلىكتەن شىعارۋعا ماجبۇرلەۋگە جول بەرىلمەيدى.
15. ءدىندى جانە ءدىني كوزقاراستاردى پايدالانا وتىرىپ, مەملەكەتتىك ورگانداردىڭ قىزمەتىنە قاساقانا ىرىتكى سالۋعا, ولاردىڭ ۇزدىكسىز جۇمىس ىستەۋىنىڭ بۇزىلۋىنا, ەلدەگى باسقارۋشىلىق دەڭگەيىن تومەندەتۋگە اكەپ سوعاتىن شەشىمدەردى قابىلداۋعا جانە ءىس-ارەكەتتەر جاساۋعا جول بەرىلمەيدى.
16. ءدىني بىرلەستىكتىڭ باسشىسى كامەلەتكە تولماعانداردىڭ اتا-اناسىنىڭ بىرەۋى نەمەسە ونىڭ وزگە دە زاڭدى وكىلدەرى قارسىلىق بىلدىرگەن كەزدە كامەلەتكە تولماعانداردى ءدىني بىرلەستىكتىڭ قىزمەتىنە تارتۋعا جانە (نەمەسە) قاتىستىرۋعا جول بەرمەۋ شارالارىن قولدانۋعا مىندەتتى.
2-تاراۋ. ءدىني قىزمەت سالاسىنداعى مەملەكەتتىك رەتتەۋ
4-باپ. ۋاكىلەتتى ورگاننىڭ قۇزىرەتى
ۋاكىلەتتى ورگان:
1) دiني بiرلەستiكتەرمەن ءوزارا iس-قيمىل سالاسىنداعى مەملەكەتتىك ساياساتتىڭ نەگiزگi باعىتتارىن قالىپتاستىرۋعا جانە iسكە اسىرۋعا قاتىسادى;
2) قازاقستان رەسپۋبليكاسىنىڭ اۋماعىندا قۇرىلعان دiني بiرلەستiكتەردiڭ, ميسسيونەرلەردiڭ, ءدىني ءبىلىم بەرۋ ۇيىمدارىنىڭ قىزمەتiن زەردەلەپ, وعان تالداۋ جۇرگiزەدi;
3) ءوز قۇزىرەتiنە جاتاتىن ماسەلەلەر بويىنشا ءتۇسىندىرۋ جۇمىستارىن جۇزەگە اسىرۋدى قامتاماسىز ەتەدى;
4) قازاقستان رەسپۋبليكاسىنىڭ ءدىني قىزمەت جانە ءدىني بىرلەستىكتەر تۋرالى زاڭناماسىن جەتiلدiرۋ جونىندە ۇسىنىستار ازiرلەيدi;
5) ءدىني قىزمەت جانە دiني بiرلەستiكتەرمەن ءوزارا ءىس-قيمىل ماسەلەلەرى بويىنشا وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ جەرگiلiكتi اتقارۋشى ورگاندارىنىڭ قىزمەتiن ۇيلەستiرەدi;
6) دiنتانۋ ساراپتامالارى جانە ءدىني بىرلەستىكتەردى قۇرۋعا باستاماشى ازاماتتار تىزىمدەرىنە تەكسەرۋ جۇرگiزiلۋiن قامتاماسىز ەتەدi;
7) جەكە جانە زاڭدى تۇلعالاردىڭ قازاقستان رەسپۋبليكاسىنىڭ دiني قىزمەت جانە ءدىني بىرلەستىكتەر تۋرالى زاڭناماسىن بۇزۋشىلىقتارعا قاتىستى وتىنىشتەرىن قارايدى;
8) شەت مەملەكەتتەردiڭ ءدىني قىزمەت سالاسىنداعى ۋاكىلەتتى ورگاندارىمەن ىنتىماقتاستىقتى ۇيىمداستىرادى جانە جۇزەگە اسىرادى;
9) رەسپۋبليكا اۋماعىنداعى شەتەلدىك ءدىني بىرلەستىكتەردىڭ قىزمەتىنە, شەتەلدىك ءدىني ورتالىقتاردىڭ قازاقستان رەسپۋبليكاسىنداعى ءدىني بىرلەستىكتەر باسشىلارىن تاعايىنداۋىنا كەلىسىم بىلدىرەدى;
10) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
5-باپ. وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارىنىڭ ءدىني قىزمەت جانە ءدىني بىرلەستىكتەرمەن ءوزارا ءىس-قيمىل ماسەلەلەرى بويىنشا قۇزىرەتى
ءدىني قىزمەت جانە دiني بiرلەستiكتەرمەن ءوزارا ءىس-قيمىل ماسەلەلەرى بويىنشا وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ جەرگiلiكتi اتقارۋشى ورگاندارى:
1) وڭىردەگى ءدىني احۋالعا زەردەلەۋ جانە تالداۋ جۇرگىزەدى;
2) ۋاكiلەتتi ورگانعا قازاقستان رەسپۋبليكاسىنىڭ دiني قىزمەت جانە ءدىني بىرلەستىكتەر تۋرالى زاڭناماسىن جەتiلدiرۋ جونىندە ۇسىنىستار ەنگiزەدi;
3) جەرگىلىكتى دەڭگەيدە ءوز قۇزىرەتىنە جاتاتىن ماسەلەلەر بويىنشا ءتۇسiندiرۋ جۇمىستارىن جۇرگiزەدi;
4) ءدىني ادەبيەتتى جانە ءدىني مازمۇنداعى وزگە دە اقپاراتتىق ماتەريالداردى, ءدىني ماقساتتاعى زاتتاردى تاراتۋ ءۇشىن ارنايى تۇراقتى ءۇي-جايلاردىڭ ورنالاستىرىلۋىن بەكىتەدى, سونداي-اق عيبادات ۇيلەرىنەن (عيماراتتارىنان) تىس جەرلەردە ءدىني جورالاردى وتكىزۋگە ارنالعان ءۇي-جايلاردىڭ ورنالاستىرىلۋىن كەلىسەدى;
5) ۋاكىلەتتى ورگانمەن كەلiسە وتىرىپ, عيبادات ۇيلەرىن (عيماراتتارىن) سالۋ تۋرالى, ولاردىڭ ورنالاساتىن جەرىن انىقتاۋ, سونداي-اق ۇيلەردى (عيماراتتاردى) عيبادات ۇيلەرى (عيماراتتارى) ەتىپ قايتا بەيىندەۋ (فۋنكتسيونالدىق ماقساتىن وزگەرتۋ) تۋرالى شەشىمدەر قابىلدايدى;
6) جەرگىلىكتى مەملەكەتتىك باسقارۋ مۇددەسىندە قازاقستان رەسپۋبليكاسىنىڭ زاڭناماسى جەرگىلىكتى اتقارۋشى ورگاندارعا جۇكتەيتىن وزگە دە وكىلەتتىكتەردى جۇزەگە اسىرادى.
6-باپ. دiنتانۋ ساراپتاماسى
1. ۋاكىلەتتى ورگان مىناداي نەگىزدەر بويىنشا ءدىنتانۋ ساراپتاماسىن جۇرگىزۋدى قامتاماسىز ەتەدى:
1) جەكە جانە (نەمەسە) زاڭدى تۇلعالاردىڭ ۋاكىلەتتى ورگانعا وتىنىشتەرى;
2) قازاقستان رەسپۋبليكاسى ۇيىمدارىنىڭ كىتاپحانا قورلارىنا, سونداي-اق ۋاكىلەتتى ورگانعا ءدىني ادەبيەتتىڭ, ءدىني مازمۇنداعى وزگە دە اقپاراتتىق ماتەريالداردىڭ كەلىپ ءتۇسۋى;
3) جەكە تۇلعالاردىڭ ميسسيونەر رەتىندە تىركەۋ جانە ءدىني بىرلەستىكتەردى تىركەۋ تۋرالى ءوتىنىشى;
4) جەكە ءوزى پايدالانۋعا ارنالعان ماتەريالداردى قوسپاعاندا, ءدىني مازمۇنداعى اقپاراتتىق ماتەريالداردىڭ اكەلىنۋى;
5) ۋاكىلەتتى ورگان باسشىسىنىڭ بۇيرىعى.
2. قۇرىلتاي قۇجاتتارى, سونداي-اق ءدىني مازمۇنداعى باسقا دا قۇجاتتار, ءدىني ءبىلىم بەرۋ باعدارلامالارى, ءدىني مازمۇنداعى اقپاراتتىق ماتەريالدار مەن ءدىني ماقساتتاعى زاتتار ءدىنتانۋ ساراپتاماسى وبەكتىلەرىنە جاتادى.
3. ءدىنتانۋ ساراپتاماسىن ءدىنتانۋ سالاسىندا ارنايى ءبىلىمى بار ادامدار, قاجەت بولعان جاعدايدا مەملەكەتتىك ورگانداردىڭ وكىلدەرىن جانە وزگە دە مامانداردى تارتا وتىرىپ, جۇرگىزەدى.
4. دiنتانۋ ساراپتاماسىن جۇرگiزۋ ءتارتiبiن قازاقستان رەسپۋبليكاسىنىڭ ۇكiمەتi ايقىندايدى.
3-تاراۋ. قازاقستان رەسپۋبليكاسىنداعى ءدىني قىزمەت
7-باپ. دiني جورالار مەن راسiمدەر
1. دiني بiرلەستiكتەر قۇلشىلىق ەتۋ ورىندارىن ۇستاۋعا قۇقىلى.
2. قۇدايعا قۇلشىلىق ەتۋ, ءدىني جورالار, راسىمدەر جانە (نەمەسە) جينالىستار عيبادات ۇيلەرىندە (عيماراتتارىندا) جانە ولارعا بولىنگەن اۋماقتا, قۇلشىلىق ەتۋ ورىندارىندا, ءدىني بىرلەستىكتەر مەكەمەلەرى مەن ءۇي-جايلارىندا, زيراتتار مەن كرەماتوريلەردە, جاقىن جەردە تۇراتىن ادامداردىڭ قۇقىقتارى مەن مۇددەلەرى ساقتالعان جاعدايدا تۇرعىن جايلاردا, قاجەت بولعان كەزدە قوعامدىق تاماقتاندىرۋ وبەكتىلەرىندە بوگەتسىز جۇرگىزىلەدى (جاسالادى). وزگە جاعدايلاردا ءدىني ءىس-شارالار قازاقستان رەسپۋبليكاسىنىڭ زاڭناماسىندا بەلگiلەنگەن تارتىپپەن جۇزەگە اسىرىلادى.
3. قۇدايعا قۇلشىلىق ەتۋدى, ءدىني جورالاردى, ءراسىمدەردى جانە (نەمەسە) جينالىستاردى وتكىزۋگە (جاساۋعا), سونداي-اق ميسسيونەرلىك قىزمەتتى جۇزەگە اسىرۋعا:
1) وسى باپتىڭ 2 جانە 4-تارماقتارىندا كوزدەلگەن جاعدايلاردى قوسپاعاندا, مەملەكەتتىك ورگانداردىڭ, ۇيىمداردىڭ;
2) قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ, سوت جانە قۇقىق قورعاۋ ورگاندارىنىڭ, قوعامدىق قاۋىپسىزدىكتى قامتاماسىز ەتۋمەن, جەكە تۇلعالاردىڭ ءومىرى مەن دەنساۋلىعىن قورعاۋمەن بايلانىستى باسقا دا قىزمەتتەردىڭ;
3) ءدىني ءبىلىم بەرۋ ۇيىمدارىن قوسپاعاندا, ءبىلىم بەرۋ ۇيىمدارىنىڭ اۋماعىندا جانە عيماراتتارىندا جول بەرىلمەيدى.
4. قوعامنان ۋاقىتشا وقشاۋلاۋدى قامتاماسىز ەتەتىن ارنايى مەكەمەلەردە ۇستالاتىن, جازانى ورىندايتىن مەكەمەلەردە وتىرعان, قارتتار مەن مۇگەدەكتەرگە ارنالعان ينتەرنات-ۇيلەردە الەۋمەتتiك قىزمەت كورسەتۋدەن وتەتىن, ستاتسيونارلىق كومەك كورسەتەتىن دەنساۋلىق ساقتاۋ ۇيىمدارىنىڭ ەمدەلۋشىلەرى بولىپ تابىلاتىن ادامدارعا ولاردىڭ نەمەسە ولاردىڭ تۋىسقاندارىنىڭ تىلەگى بويىنشا سالت جورالارىنىڭ قاجەتتىلىگى جاعدايىندا قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن تىركەلگەن ءدىني بىرلەستىكتەردىڭ ءدىني قىزمەتشىلەرى شاقىرىلادى. بۇل رەتتە ءدىني جورالاردى, ءراسىمدەردى جانە (نەمەسە) جينالىستاردى وتكىزۋ اتالعان ۇيىمداردىڭ قىزمەتىنە كەدەرگى كەلتىرمەۋگە, باسقا ادامداردىڭ قۇقىقتارى مەن زاڭدى ءمۇددەلەرىن بۇزباۋعا ءتيىس.
8-باپ. ميسسيونەرلىك قىزمەت
1. قازاقستان رەسپۋبليكاسىنىڭ ازاماتتارى, شەتەلدىكتەر مەن ازاماتتىعى جوق ادامدار ميسسيونەرلiك قىزمەتتi تiركەۋدەن وتكەننەن كەيiن جۇزەگە اسىرادى.
2. ميسسيونەرلiك قىزمەتتى جۇزەگە اسىراتىن ادامداردى تiركەۋدi ۋاكىلەتتى ورگاننىڭ اۋماقتىق بولىمشەلەرى قۇجاتتار ۇسىنىلعان كۇننەن باستاپ كۇنتىزبەلىك وتىز كۇننەن اسپايتىن مەرزىمدە جۇرگىزەدى. ميسسيونەر ۇسىنعان ماتەريالدار بويىنشا قورىتىندى الۋ ءۇشىن ءدىنتانۋ ساراپتاماسىن جۇرگىزۋ كەزىندە تىركەۋ مەرزىمى توقتاتىلا تۇرادى.
3. قازاقستان رەسپۋبليكاسىنىڭ اۋماعىنداعى ميسسيونەرلەر ۋاكىلەتتى ورگاننىڭ اۋماقتىق بولىمشەلەرىندە جىل سايىن قايتا تiركەۋدەن وتۋگە مiندەتتi.
4. ميسسيونەرلەر تىركەلۋ ءۇشىن ۋاكىلەتتى ورگاننىڭ اۋماقتىق بولىمشەلەرىنە مىناداي قۇجاتتار مەن ماتەريالداردى:
1) پاسپورتىنىڭ نەمەسە جەكە كۋالىگىنىڭ كوشىرمەسىن;
2) ميسسيونەرلiك قىزمەت اۋماعى مەن مەرزiمi كورسەتiلگەن ءوتiنiشتى;
3) دiني بiرلەستiكتىڭ اتىنان ميسسيونەرلiك قىزمەتتى جۇزەگە اسىرۋ قۇقىعىنا دiني بiرلەستiك بەرگەن قۇجاتتى;
4) ميسسيونەر وكىلى بولىپ تابىلاتىن ءدىني بىرلەستىكتى قازاقستان رەسپۋبليكاسىندا مەملەكەتتىك تىركەۋ تۋرالى كۋالىكتىڭ جانە ونىڭ جارعىسىنىڭ كوشىرمەسىن;
5) ميسسيونەرلىك قىزمەتكە ارنالعان ءدىني ادەبيەتتى, دiني مازمۇنداعى وزگە دە اقپاراتتىق ماتەريالداردى, دiني ماقساتتاعى زاتتاردى ۇسىنادى.
قازاقستان رەسپۋبليكاسىنداعى شەتەلدىكتەر مەن ازاماتتىعى جوق ادامدار ميسسيونەر رەتىندە تىركەلۋ ءۇشىن ۋاكىلەتتى ورگاننىڭ اۋماقتىق بولىمشەلەرىنە مىناداي قۇجاتتاردى:
1) ميسسيونەر ونىڭ اتىنان وكىلدiك ەتەتىن دiني بiرلەستiكتىڭ شەت مەملەكەتتىڭ زاڭناماسى بويىنشا رەسمي تiركەلگەندiگiن كۋالاندىراتىن زاڭداستىرىلعان نەمەسە اپوستيل قويىلعان قۇجاتتى;
2) قازاقستان رەسپۋبليكاسىندا تىركەلگەن ءدىني بىرلەستىكتىڭ شاقىرۋىن قوسىمشا ۇسىنادى.
شەت مەملەكەتتەر بەرگەن قۇجاتتاردىڭ قازاق جانە ورىس تىلدەرىنە اۋدارماسىنىڭ دۇرىستىعى قازاقستان رەسپۋبليكاسىندا نوتاريات كۋالاندىرعان جانە اۋدارمانى جۇزەگە اسىرعان اۋدارماشى قولىنىڭ تۇپنۇسقالىعى قازاقستان رەسپۋبليكاسىندا نوتاريات كۋالاندىرعان تۇرىندە تابىس ەتىلەدى.
5. ميسسيونەر رەتىندە تىركەۋدەن ءوتۋ ءۇشىن قۇجاتتار ۇسىنعان قازاقستان رەسپۋبليكاسىنىڭ ازاماتتارىن, شەتەلدىكتەر مەن ازاماتتىعى جوق ادامداردى ءدىنتانۋ ساراپتاماسىنىڭ تەرىس قورىتىندىسى نەگىزىندە, سونداي-اق, ەگەر ونىڭ ميسسيونەرلىك قىزمەتى كونستيتۋتسيالىق قۇرىلىسقا, قوعامدىق تارتىپكە, ادامنىڭ قۇقىقتارى مەن بوستاندىعىنا, حالىقتىڭ دەنساۋلىعى مەن يماندىلىعىنا قاتەر توندىرەتىن بولسا, تىركەۋدەن باس تارتىلادى.
6. ميسسيونەرلەردىڭ ءدىني مازمۇنداعى ماتەريالداردى جانە ءدىني ماقساتتاعى زاتتاردى پايدالانۋىنا ءدىنتانۋ ساراپتاماسىنىڭ وڭ قورىتىندىسىن العاننان كەيىن عانا جول بەرىلەدى.
7. ميسسيونەرلىك قىزمەتتى تىركەۋسىز جۇزەگە اسىرۋعا تىيىم سالىنادى.
9-باپ. دiني ادەبيەت جانە دiني ماقساتتاعى زاتتار
1. قازاقستان رەسپۋبليكاسىنىڭ ازاماتتارى, شەتەلدىكتەر مەن ازاماتتىعى جوق ادامدار, دiني بiرلەستiكتەر وزدەرىنىڭ قالاۋى بويىنشا ءدىني ادەبيەتتى, ءدىني مازمۇنداعى وزگە دە اقپاراتتىق ماتەريالداردى, دiني ماقساتتاعى زاتتاردى ساتىپ الۋعا جانە پايدالانۋعا قۇقىلى.
2. ءدىني ادەبيەتتى, ءدىني مازمۇنداعى وزگە دە اقپاراتتىق ماتەريالداردى, ءدىني ماقساتتاعى زاتتاردى تەك قانا عيبادات ۇيلەرىندە (عيماراتتارىندا), ءدىني ءبىلىم بەرۋ ۇيىمدارىندا, سونداي-اق وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارى ارنايى بەلگىلەگەن تۇراقتى ءۇي-جايلاردا تاراتۋعا جول بەرىلەدى.
3. جەكە پايدالانۋعا ارنالعاندارىن قوسپاعاندا, قازاقستان رەسپۋبليكاسىنىڭ اۋماعىنا ءدىني مازمۇنداعى اقپاراتتىق ماتەريالداردى اكەلۋدى تىركەلگەن ءدىني بىرلەستىكتەر عانا ءدىنتانۋ ساراپتاماسىنىڭ وڭ قورىتىندىسىن العاننان كەيىن جۇزەگە اسىرادى.
4. دiني بiرلەستiك شىعاراتىن جانە (نەمەسە) تاراتاتىن دiني ادەبيەتتە جانە دiني مازمۇنداعى باسقا دا اقپاراتتىق ماتەريالداردا ءدىني بىرلەستىكتىڭ تولىق اتاۋى بولۋعا تيiس.
10-باپ. قايىرىمدىلىق قىزمەتi
1. دiني بiرلەستiكتەر قايىرىمدىلىق قىزمەتىن جۇزەگە اسىرۋعا جانە قايىرىمدىلىق ۇيىمدارىن اشۋعا قۇقىلى.
2. قايىرىمدىلىقتى جۇزەگە اسىرۋ كەزىندە ءدىني قىزمەتكە تارتۋ ماقساتىندا قازاقستان رەسپۋبليكاسى ازاماتتارىنىڭ, شەتەلدىكتەر مەن ازاماتتىعى جوق ادامداردىڭ ماتەريالدىق تاۋەلدىلىگىن (مۇقتاجدىعىن) پايدالانۋعا جول بەرىلمەيدى.
11-باپ. دiنگە سەنۋشiلەردiڭ جانە دiني بiرلەستiكتەردiڭ حالىقارالىق بايلانىستارى مەن قارىم-قاتىناستارى
1. قازاقستان رەسپۋبليكاسىنىڭ ازاماتتارى, شەتەلدىكتەر, ازاماتتىعى جوق ادامدار مەن دiني بiرلەستiكتەر ولاردىڭ ءمىناجات ەتۋگە, جينالىستار مەن باسقا دا دiني ءىس-شارالارعا قاتىسۋ ءۇشiن شەتەلگە شىعىپ تۇرۋىن قوسا العاندا, حالىقارالىق بايلانىستار مەن جەكە قارىم-قاتىناس ورناتۋعا جانە قاتىناستارىن ۇزبەۋگە قۇقىلى.
2. دiني بiرلەستiكتەر ءدىني ءبىلىم بەرۋ ۇيىمدارىندا وقىتۋ ءۇشiن شەتەلگە قازاقستان رەسپۋبليكاسىنىڭ ازاماتتارىن جiبەرە الادى جانە قازاقستان رەسپۋبليكاسىنىڭ اۋماعىنداعى ءدىني ءبىلىم بەرۋ ۇيىمدارىندا وقىتۋ ءۇشiن شەتەلدىكتەردى, ازاماتتىعى جوق ادامداردى قابىلداي الادى.
4-تاراۋ. ءدىني بIرلەستIكتەردى قۇرۋ, مەملەكەتتىك تىركەۋ, قايتا ۇيىمداستىرۋ, تاراتۋ
12-باپ. ءدىني بىرلەستىكتەردىڭ مارتەبەسى
1. قازاقستان رەسپۋبليكاسىندا: جەرگىلىكتى, وڭىرلىك جانە رەسپۋبليكالىق مارتەبەسى بار ءدىني بىرلەستىكتەر قۇرىلۋى جانە ارەكەت ەتۋى مۇمكىن.
2. قازاقستان رەسپۋبليكاسىنىڭ كەمىندە ەلۋ ازاماتىنىڭ باستاماسى بويىنشا قۇرىلعان, ءبىر وبلىستىڭ, رەسپۋبليكالىق ماڭىزى بار قالانىڭ جانە استانانىڭ شەگىندە ارەكەت ەتەتىن ءدىني بىرلەستىك جەرگىلىكتى ءدىني بىرلەستىك بولىپ تانىلادى.
3. كەمىندە ەكى وبلىستان, رەسپۋبليكالىق ماڭىزى بار قالالاردان جانە استانادان وكىلدىك ەتەتىن, ولاردىڭ ارقايسىسىنان قازاقستان رەسپۋبليكاسىنىڭ كەمىندە ەكى ءجۇز ەلۋ ازاماتى بار ەكى جانە ودان دا كوپ جەرگىلىكتى ءدىني بىرلەستىكتەردىڭ قاتىسۋشىلارى (مۇشەلەرى) بولىپ تابىلاتىن, قازاقستان رەسپۋبليكاسىنىڭ كەمىندە بەس ءجۇز ازاماتىنىڭ باستاماسى بويىنشا قۇرىلعان ءدىني بىرلەستىك وڭىرلىك ءدىني بىرلەستىك بولىپ تانىلادى.
وڭىرلىك ءدىني بىرلەستىكتەر وسى جەرگىلىكتى ءدىني بىرلەستىكتەردىڭ قىزمەتى اۋماعىنىڭ شەگىندە قۇرىلىپ, ءوز قىزمەتىن جۇزەگە اسىرادى.
4. بارلىق وبلىستاردان, رەسپۋبليكالىق ماڭىزى بار قالالاردان جانە استانادان وكىلدىك ەتەتىن, قازاقستان رەسپۋبليكاسىنىڭ كەمىندە بەس مىڭ ازاماتىنىڭ باستاماسى بويىنشا قۇرىلعان, ولاردىڭ ارقايسىسىندا قازاقستان رەسپۋبليكاسىنىڭ كەمىندە ءۇش ءجۇز ازاماتى بار, سونداي-اق قازاقستان رەسپۋبليكاسىنىڭ بارلىق اۋماعىندا ءوز قۇرىلىمدىق بولىمشەلەرى (فيليالدارى مەن وكىلدىكتەرى) بار ءدىني بىرلەستىك رەسپۋبليكالىق ءدىني بىرلەستىك بولىپ تانىلادى.
13-باپ. ءدىني بىرلەستىكتەردى قۇرۋ
1. ءدىني بىرلەستىك ون سەگىز جاسقا تولعان, قۇرىلتاي جينالىسىن (سەزىن, كونفەرەنتسياسىن) شاقىراتىن قازاقستان رەسپۋبليكاسى ازاماتتارىنىڭ باستاماسى بويىنشا قۇرىلادى, وندا ءدىني بىرلەستىكتى قۇرۋ, ونىڭ اتاۋى, جارعىسى تۋرالى شەشىمدەر قابىلدانادى جانە ونىڭ باسشىلىق ورگاندارى قۇرىلادى. ازاماتتار قۇرىلتاي جينالىسىنا (سەزىنە, كونفەرەنتسياسىنا) ءوز ەركى بويىنشا جەكە تۇردە قاتىسادى.
2. ءدىني بىرلەستىكتىڭ مىناداي بەلگىلەرى:
1) ورتاق ءدىني ءىلىمى;
2) ءدىني جورالاردى, راسىمدەر مەن ۋاعىزداردى ورىنداۋ;
3) ءوز قاتىسۋشىلارىن (مۇشەلەرىن) جانە ءدىن ۇستانۋشىلارىن دىنگە تاربيەلەۋ;
4) قىزمەتىنىڭ ءدىني باعىتى بولۋعا ءتيىس.
3. رەسپۋبليكالىق ءدىني بىرلەستىكتەر مەن وڭىرلىك ءدىني بىرلەستىكتەر ءوز جارعىلارىنا سايكەس ءدىني قىزمەتشىلەر دايارلاۋدىڭ كاسىپتىك وقۋ باعدارلامالارىن ىسكە اسىراتىن مەكەمەلەر نىسانىندا ءدىني ءبىلىم بەرۋ ۇيىمدارىن قۇرۋعا قۇقىلى.
4. ءدىني ءبىلىم بەرۋ ۇيىمدارىن قوسپاعاندا, ءدىني بىرلەستىكتەن باسقا وزگەشە ۇيىمدىق-قۇقىقتىق نىساندا ءدىني قىزمەتپەن اينالىساتىن زاڭدى تۇلعالاردى قۇرۋعا جانە ولاردىڭ قىزمەتىنە جول بەرىلمەيدى.
5. مەملەكەتتىك ورگانداردا, ۇيىمدار مەن مەكەمەلەردە, ءبىلىم بەرۋ جانە دەنساۋلىق ساقتاۋ ۇيىمدارىندا ءدىني بىرلەستىكتەردىڭ ۇيىمدىق قۇرىلىمدارىن قۇرۋعا جول بەرىلمەيدى.
14-باپ. ءدىني بىرلەستىكتىڭ اتاۋى
1. ءدىني بىرلەستىكتىڭ اتاۋى ۇستاناتىن ءدىنى مەن مارتەبەسىن قامتۋعا ءتيىس.
2. تولىق جانە قىسقارتىلعان اتاۋى مەن ونىڭ نىشانى قازاقستان رەسپۋبليكاسىنىڭ جانە باسقا دا مەملەكەتتەردىڭ مەملەكەتتىك رامىزدەرىن, قازاقستان رەسپۋبليكاسى مەملەكەتتىك ورگاندارىنىڭ, قازاقستان رەسپۋبليكاسىندا تىركەلگەن ءدىني بىرلەستىكتەردىڭ, سونداي-اق قازاقستان رەسپۋبليكاسىنىڭ زاڭناماسىن بۇزۋىنا بايلانىستى تىيىم سالىنعان جانە (نەمەسە) تاراتىلعان ءدىني بىرلەستىكتەردىڭ اتاۋى مەن نىشانىن تولىق نەمەسە ونىڭ ەلەۋلى بولىگىندە قايتالاماۋعا ءتيىس.
15-باپ. ءدىني بىرلەستىكتەردى مەملەكەتتىك تىركەۋ
1. دiني بiرلەستiك ونى مەملەكەتتىك تىركەگەن ساتتەن باستاپ زاڭدى تۇلعانىڭ قۇقىق قابiلەتتىلىگiنە يە بولادى.
2. رەسپۋبليكالىق ءدىني بiرلەستiكتەردi جانە وڭىرلىك ءدىني بىرلەستىكتەردى مەملەكەتتiك تiركەۋدi قازاقستان رەسپۋبليكاسىنىڭ ادiلەت مينيسترلiگi جۇزەگە اسىرادى.
جەرگىلىكتى ءدىني بىرلەستىكتەردى مەملەكەتتىك تىركەۋدى, فيليالدار مەن وكىلدىكتەردى ەسەپتىك تىركەۋدى اۋماقتىق ادiلەت ورگاندارى جۇزەگە اسىرادى.
3. ءدىني بىرلەستىكتى قۇرۋ تۋرالى شەشىم قابىلدانعان ساتتەن باستاپ ەكى اي مەرزىم ىشىندە تىركەلۋ ءۇشىن تىركەۋشى ورگانعا ءوتىنىش بەرىلەدى. وتىنىشكە:
1) ءدىني بىرلەستىك باسشىسىنىڭ قولى قويىلعان ءدىني بىرلەستىكتىڭ جارعىسى;
2) قۇرىلتاي جينالىسىنىڭ (سەزىنىڭ, كونفەرەنتسياسىنىڭ) حاتتاماسى;
3) قۇرىلاتىن ءدىني بىرلەستىكتىڭ باستاماشى ازاماتتارىنىڭ تىركەۋشى ورگان بەلگىلەگەن نىسان بويىنشا ەلەكتروندىق جانە قاعاز جەتكىزگىشتەردەگى ءتىزىمى;
4) دiني بiرلەستiكتiڭ ورنالاسقان جەرiن راستايتىن قۇجات;
5) ءدىني ءىلىمنىڭ پايدا بولۋ تاريحى مەن نەگىزدەرىن اشىپ كورسەتەتىن جانە وسى ىلىمگە سايكەس كەلەتىن ءدىني قىزمەت تۋرالى مالىمەتتەر قامتىلعان ءدىني باسپا ماتەريالدارى;
6) زاڭدى تۇلعانى مەملەكەتتىك تىركەۋ ءۇشىن الىمدار تولەمىن راستايتىن قۇجات;
7) ءدىني بىرلەستىكتىڭ باسشىسىن سايلاۋ تۋرالى شەشىم نە شەتەلدىك ءدىني ورتالىق باسشىنى تاعايىنداعان جاعدايدا, ۋاكىلەتتى ورگانمەن كەلىسىلگەنىن راستايتىن قۇجات قوسا بەرىلەدى.
4. وڭىرلىك ءدىني بىرلەستىكتى تىركەۋ كەزىندە تىركەۋشى ورگان بەلگىلەگەن نىسان بويىنشا وڭىرلىك ءدىني بىرلەستىكتەردى قۇرۋعا باستاماشىلىق جاساعان جەرگىلىكتى ءدىني بىرلەستىكتەردىڭ ارقايسىسىنىڭ قاتىسۋشىلارىنىڭ ءتىزىمى, سونداي-اق ولاردىڭ جەرگىلىكتى ءدىني بىرلەستىكتەرى جارعىلارىنىڭ نوتاريات كۋالاندىرعان كوشىرمەلەرى قوسىمشا تابىس ەتىلەدى.
5. رەسپۋبليكالىق ءدىني بىرلەستىكتەر مارتەبەسىن راستاۋ ءۇشىن تىركەلگەن كۇنىنەن باستاپ ءبىر جىل وتكەنگە دەيىن تىركەۋدى جۇزەگە اسىراتىن ورگانعا ولاردىڭ قۇرىلىمدىق بولىمشەلەرىنىڭ (فيليالدارى مەن وكىلدىكتەرىنىڭ) اۋماقتىق ادىلەت ورگاندارىندا ەسەپتىك تىركەۋدەن وتكەنىن راستايتىن قۇجاتتاردىڭ كوشىرمەلەرىن ۇسىنۋعا مىندەتتى.
6. وسى باپتىڭ 5-تارماعىنىڭ تالاپتارىن ورىنداماعان جاعدايدا, رەسپۋبليكالىق ءدىني بىرلەستىك قازاقستان رەسپۋبليكاسىنىڭ زاڭدارىندا بەلگىلەنگەن تارتىپپەن قايتا ۇيىمداستىرىلۋعا نەمەسە تاراتىلۋعا جاتادى.
7. ءدىني بىرلەستىكتەردى مەملەكەتتiك تىركەۋ جانە ولاردىڭ فيليالدارى مەن وكىلدىكتەرىن ەسەپتiك تiركەۋ, ءدىني بىرلەستىكتەردى قايتا تiركەۋ, تiركەۋدەن باس تارتۋ وسى زاڭدا كوزدەلگەن ەرەكشەلىكتەر ەسكەرىلە وتىرىپ, «زاڭدى تۇلعالاردى مەملەكەتتىك تىركەۋ جانە فيليالدار مەن وكىلدىكتەردى ەسەپتىك تىركەۋ تۋرالى» قازاقستان رەسپۋبليكاسىنىڭ زاڭىندا كوزدەلگەن تارتiپپەن جانە مەرزiمدە جۇزەگە اسىرىلادى.
8. مەملەكەتتىك تىركەۋدىڭ (قايتا تىركەۋدىڭ) مەرزىمىنە ءدىنتانۋ ساراپتاماسىن جۇرگىزۋ جانە ءدىني بىرلەستىكتى قۇرۋعا باستاماشى ازاماتتار ءتىزىمىنىڭ وسى زاڭنىڭ تالاپتارىنا سايكەستىگىن تەكسەرۋ ءۇشىن ءۇزىلىس جاسالادى.
9. تىركەۋشى ورگان مەملەكەتتىك تىركەۋ (قايتا تىركەۋ) مەرزىمىنە ءۇزىلىس جاساۋ تۋرالى شەشىم قابىلدانعان كۇننەن باستاپ ءۇش جۇمىس كۇنىنەن كەشىكتىرمەي ۋاكىلەتتى ورگانعا ءدىنتانۋ ساراپتاماسىن جۇرگىزۋ جانە ءدىني بىرلەستىكتەر قۇرۋعا باستاماشى ازاماتتار تىزىمدەرىن تەكسەرۋدى ۇيىمداستىرۋ ءۇشىن قاجەتتى قۇجاتتاردىڭ كوشىرمەلەرىن جىبەرەدى.
10. ۇسىنىلعان قۇجاتتاردىڭ زاڭناماعا سايكەستىگىن تەكسەرۋدىڭ, جۇرگىزىلگەن ءدىنتانۋ ساراپتاماسىنىڭ, ءدىني بىرلەستىكتى قۇرۋعا باستاماشى ازاماتتاردىڭ ءتىزىمىن تەكسەرۋدىڭ ناتيجەلەرى بويىنشا ءدىني بىرلەستىكتى مەملەكەتتىك تىركەۋ تۋرالى نەمەسە مەملەكەتتىك تىركەۋدەن باس تارتۋ تۋرالى شەشىم قابىلدانادى.
16-باپ. دiني بiرلەستiكتiڭ جارعىسى
1. دiني بiرلەستiك ءوز قىزمەتiن جارعىنىڭ نەگiزiندە جۇزەگە اسىرادى, وندا مىنالار:
1) اتاۋى, قىزمەتىنىڭ ءمانى مەن ماقساتتارى;
2) ورنالاسقان جەرi جانە ونىڭ شەگىندە ءوز قىزمەتىن جۇزەگە اسىراتىن اۋماق;
3) قۇرىلىمى, باسقارۋ ورگاندارىن قالىپتاستىرۋ ءتارتiبi مەن ولاردىڭ قۇزىرەتى;
4) قاتىسۋشىلارىنىڭ (مۇشەلەرىنىڭ) قۇقىقتارى مەن مiندەتتەرi;
5) ۇستاناتىن ءدىنى, ءدىني ءىلىمىنىڭ نەگىزدەرى جانە وسى ىلىمگە سايكەس كەلەتىن ءدىني قىزمەتى تۋرالى مالىمەتتەر;
6) ءدىني بىرلەستىكتىڭ مۇشەسى ەتىپ قابىلداۋدىڭ جانە ودان شىعۋدىڭ شارتتارى مەن ءتارتىبى;
7) م ۇلىكتى قالىپتاستىرۋ كوزدەرى;
8) قۇرىلتاي قۇجاتتارىنا وزگەرىستەر مەن تولىقتىرۋلار ەنگiزۋ ءتارتiبi;
9) قىزمەتىن قايتا ۇيىمداستىرۋ جانە ونى توقتاتۋ شارتتارى;
10) تاراتىلعان جاعدايدا م ۇلىكتى پايدالانۋ ءتارتىبى;
11) فيليالدار مەن وكىلدىكتەر تۋرالى مالىمەتتەر بولۋعا ءتيىس.
2. دiني بiرلەستiكتiڭ جارعىسىندا ونىڭ قىزمەتىنە قاتىستى جانە قازاقستان رەسپۋبليكاسىنىڭ زاڭناماسىنا قايشى كەلمەيتىن وزگە دە ەرەجەلەر بولۋى مۇمكىن.
3. ءدىني ءىلىم نەگىزدەرى مەن ءدىني قىزمەت تۋرالى مالىمەتتەردە نەگىزگى ءدىني يدەيالار, ءدىني بىرلەستىك قىزمەتىنىڭ نىساندارى, وسى ءدىني بىرلەستىك قاتىسۋشىلارىنىڭ (مۇشەلەرىنىڭ) جانە باسقا دا ادامداردىڭ نەكە مەن وتباسىنا, بىلىمگە, دەنساۋلىققا كوزقاراسىنىڭ ەرەكشەلىكتەرى, ونىڭ قاتىسۋشىلارى (مۇشەلەرى) مەن قىزمەتشىلەرىنىڭ كونستيتۋتسيالىق قۇقىقتارى مەن مىندەتتەرىن ىسكە اسىرۋعا كوزقاراسى قامتىلۋعا ءتيىس.
17-باپ. ءدىني بىرلەستىكتى تىركەۋدەن باس تارتۋ
1. قازاقستان رەسپۋبليكاسىنىڭ زاڭدارىنا سايكەس, سونداي-اق قۇرىلتاي قۇجاتتارىنداعى جانە وزگە دە ۇسىنىلعان قۇجاتتارداعى مالىمەتتەر دايەكسىز بولسا جانە (نەمەسە) قۇرىلاتىن بىرلەستىك ءدىنتانۋ ساراپتاماسىنىڭ ناتيجەلەرى نەگىزىندە ءدىني بىرلەستىك رەتىندە تانىلماعان جاعدايلاردا ءدىني بىرلەستىكتى مەملەكەتتىك تىركەۋدەن, ونىڭ قۇرىلىمدىق بولىمشەسىن (فيليالى مەن وكىلدىگىن) ەسەپتىك تىركەۋدەن باس تارتىلادى.
2. تىركەۋدەن باس تارتىلعان جاعدايدا سوتقا شاعىمدانۋعا بولادى.
18-باپ. دiني بiرلەستiكتi قايتا ۇيىمداستىرۋ جانە تاراتۋ
1. ءدىني بىرلەستىكتەردى قايتا ۇيىمداستىرۋ قازاقستان رەسپۋبليكاسىنىڭ زاڭدارىنا سايكەس قوسىلۋ, بiرiگۋ, ءبولiنۋ, قايتا قۇرۋ جانە ءبولiنiپ شىعۋ جولىمەن ءدىني بىرلەستىكتىڭ قۇرىلتاي قۇجاتتارى ۋاكىلەتتىك بەرگەن ورگاننىڭ شەشiمi بويىنشا نە سوت شەشىمى بويىنشا جۇزەگە اسىرىلادى. ءدىني بىرلەستىك تەك باسقا ءدىني بىرلەستىك بولىپ نەمەسە جەكە مەكەمە بولىپ قايتا قۇرىلۋى مۇمكىن. ءدىني بىرلەستىكتەردى قايتا ۇيىمداستىرۋ ناتيجەسىندە قۇرىلعان ۇيىمدار وسى زاڭنىڭ تالاپتارىنا سايكەس كەلگەن جاعدايدا ءدىني بىرلەستىكتەر رەتىندە تىركەلۋى مۇمكىن.
2. ءدىني بىرلەستىكتىڭ قىزمەتىن توقتاتا تۇرۋ جانە ونى تاراتۋ قازاقستان رەسپۋبليكاسىنىڭ زاڭدارىندا بەلگiلەنگەن تارتiپپەن جۇرگىزىلەدى.
19-باپ. مەملەكەت جانە شەتەلدىك ءدىني بىرلەستىكتەر
1. شەتەلدىك ءدىني ورتالىق ۋاكىلەتتى ورگانمەن كەلىسپەي تاعايىنداعان ءدىني بىرلەستىك باسشىسىنىڭ قىزمەتىن جۇزەگە اسىرۋىنا جول بەرىلمەيدى.
2. شەتەلدىك ءدىني ورتالىق ءدىني بىرلەستىكتىڭ باسشىسى لاۋازىمىنا كانديداتتى كەلىسۋ ءۇشىن ۋاكىلەتتى ورگانعا مىناداي قۇجاتتاردى:
1) كانديدات تۋرالى, ونىڭ شەتەلدىك ءدىني ورتالىقتاعى بۇرىنعى قىزمەتى تۋرالى مالىمەتتەر قامتىلعان قولداۋحاتتى;
2) كانديداتتى قازاقستان رەسپۋبليكاسىنىڭ اۋماعىندا جۇمىس ىستەيتىن ءدىني بىرلەستىكتىڭ باسشىسى ەتىپ تاعايىنداۋ تۋرالى شەشىمدى;
3) ءدىني بىرلەستىكتىڭ باسشىسى لاۋازىمىنا كانديداتتىڭ پاسپورتىنىڭ نەمەسە جەكە كۋالىگىنىڭ كوشىرمەسىن ۇسىنادى.
قۇجاتتار قازاق جانە ورىس تىلدەرىنە اۋدارماسىنىڭ دۇرىستىعىن قازاقستان رەسپۋبليكاسىندا نوتاريات كۋالاندىرعان جانە اۋدارمانى جۇزەگە اسىرعان اۋدارماشى قولىنىڭ تۇپنۇسقالىعىن قازاقستان رەسپۋبليكاسىندا نوتاريات كۋالاندىرعان تۇرىندە تابىس ەتىلەدى.
3. وسى باپتىڭ 2-تارماعىندا كورسەتىلگەن قۇجاتتاردى ۋاكىلەتتى ورگان ولاردىڭ ۇسىنىلعان كۇنىنەن باستاپ كۇنتىزبەلىك وتىز كۇن ىشىندە قارايدى.
4. ەگەر قازاقستان رەسپۋبليكاسىنداعى ءدىني بىرلەستىك باسشىسىنىڭ قىزمەتى كونستيتۋتسيالىق قۇرىلىسقا, قوعامدىق تارتىپكە, ادام قۇقىقتارى مەن بوستاندىقتارىنا, حالىقتىڭ دەنساۋلىعى مەن يماندىلىعىنا قاتەر توندىرەتىن بولسا, ۋاكىلەتتى ورگان شەتەلدىك ءدىني ورتالىقتىڭ ونى تاعايىنداۋىنا كەلىسۋدەن باس تارتادى.
5-تاراۋ. ءدىني بىرلەستىكتەردىڭ م ۇلىكتىك قۇقىق قاتىناستارى
20-باپ. دiني بiرلەستiكتەردiڭ مەنشiگi
1. دiني بiرلەستiكتەردiڭ ءوز قاراجاتى ەسەبىنەن ساتىپ الىنعان نەمەسە جاسالعان, قازاقستان رەسپۋبليكاسى ازاماتتارىنىڭ, شەتەلدىكتەر مەن ازاماتتىعى جوق ادامداردىڭ, ۇيىمداردىڭ قايىرمالدىقتارعا بەرگەن نەمەسە قازاقستان رەسپۋبليكاسىنىڭ زاڭدارىنا قايشى كەلمەيتiن باسقا دا نەگiزدەر بويىنشا ساتىپ الىنعان مۇلiككە مەنشiك قۇقىعى بار.
2. مەنشىك قۇقىعىنداعى جىلجىمايتىن جانە جىلجىمالى م ۇلىك ءدىني بىرلەستىكتەردىڭ مەنشىگى بولىپ تابىلادى.
3. قازاقستان رەسپۋبليكاسىنىڭ شەگىنەن تىس جەردەگى م ۇلىك تە دiني بiرلەستiكتەردىڭ مەنشiگiندە بولۋى مۇمكiن.
4. دiني بiرلەستiكتەر ەرiكتi تۇردە قارجىلاي جانە باسقا دا قايىرمالدىقتار سۇراۋعا جانە ولاردى الۋعا قۇقىلى.
5. دiني بiرلەستiكتەردiڭ مەنشiك قۇقىعى زاڭمەن قورعالادى.
21-باپ. مەملەكەتتiڭ, ۇيىمدار مەن جەكە تۇلعالاردىڭ مەنشiگi بولىپ تابىلاتىن مۇلiكتi پايدالانۋ
1. دiني بiرلەستiكتەر وزدەرiنە شارتتىق نەگiزدە بەرىلگەن ۇيلەردi, اۋماقتى جانە مۇلiكتi پايدالانۋعا قۇقىلى.
2. ءدىني ماقساتتاعى تاريح جانە مادەنيەت ەسكەرتكىشتەرى ءدىني بiرلەستiكتەردىڭ پايدالانۋىنا قازاقستان رەسپۋبليكاسىنىڭ زاڭناماسىنا سايكەس بەرىلۋى مۇمكىن.
22-باپ. تاراتىلعان دiني بiرلەستiكتiڭ مۇلكiنە يەلiك ەتۋ
1. ءدىني بىرلەستىك تاراتىلعان نەمەسە قىزمەتى توقتاتىلعان كەزدە ونىڭ مەنشىگىندە بولعان م ۇلىككە يەلىك ەتۋ ونىڭ جارعىسىنا جانە قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى.
2. قۇقىق ميراسقورلارى بولماعان كەزدە م ۇلىك قازاقستان رەسپۋبليكاسىنىڭ مەملەكەتتىك م ۇلىك تۋرالى زاڭناماسىنا سايكەس مەملەكەت مەنشىگىنە وتەدى.
6-تاراۋ. قورىتىندى ەرەجەلەر
23-باپ. قازاقستان رەسپۋبليكاسىنىڭ دiني قىزمەت جانە دiني بiرلەستiكتەر تۋرالى زاڭناماسىن بۇزعانى ءۇشiن جاۋاپتىلىق
قازاقستان رەسپۋبليكاسىنىڭ دiني قىزمەت جانە دiني بiرلەستiكتەر تۋرالى زاڭناماسىن بۇزۋشىلىق قازاقستان رەسپۋبليكاسىنىڭ زاڭدارىندا بەلگiلەنگەن جاۋاپتىلىققا اكەپ سوعادى.
24-باپ. وتپەلى ەرەجەلەر
1. ءدىني بىرلەستىكتەر وسى زاڭ قولدانىسقا ەنگىزىلگەن كۇننەن باستاپ ءبىر جىلدىڭ ىشىندە وسى زاڭنىڭ تالاپتارىنا سايكەس وزدەرىنىڭ قۇرىلتاي قۇجاتتارىنا ءتيىستى وزگەرىستەر ەنگىزۋگە مىندەتتى. سونىمەن ءبىر مەزگىلدە تىركەۋشى ورگانعا ءدىني بىرلەستىكتىڭ مارتەبەسىن راستايتىن قۇجاتتار تابىس ەتىلەدى.
2. ءدىني مۇددەلەرى مەن قاجەتتىلىكتەرىن قاناعاتتاندىرۋمەن اينالىساتىن جانە وسى زاڭ قولدانىسقا ەنگىزىلگەنگە دەيىن ءدىني بىرلەستىكتەن باسقا وزگەشە ۇيىمدىق-قۇقىقتىق نىساندا قۇرىلعان زاڭدى تۇلعالار وسى زاڭ قولدانىسقا ەنگىزىلگەن كۇننەن باستاپ ءبىر جىلدىڭ ىشىندە وزدەرىنىڭ قۇرىلتاي قۇجاتتارىنا ءتيىستى وزگەرىستەر ەنگىزۋگە مىندەتتى.
3. كورسەتىلگەن مەرزىم وتكەننەن كەيىن وزدەرىنىڭ قۇرىلتاي قۇجاتتارىن وسى زاڭنىڭ تالاپتارىنا سايكەس كەلتىرمەگەن زاڭدى تۇلعالار ءدىني بىرلەستىكتەردى مەملەكەتتىك تىركەۋدى جۇزەگە اسىراتىن ورگاننىڭ جۇگىنۋى بويىنشا سوت تارتىبىمەن تاراتىلادى.
25-باپ. قورىتىندى ەرەجەلەر
1. وسى زاڭ العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
2. «ءدىني سەنىم بوستاندىعى جانە ءدىني بىرلەستىكتەر تۋرالى» 1992 جىلعى 15 قاڭتارداعى قازاقستان رەسپۋبليكاسى زاڭىنىڭ (قازاقستان رەسپۋبليكاسى جوعارعى كەڭەسىنىڭ جارشىسى, 1992 ج., № 4, 84-قۇجات; 1995 ج., № 20, 120, 121-قۇجاتتار; قازاقستان رەسپۋبليكاسى پارلامەنتىنىڭ جارشىسى, 1997 ج., № 13-14, 205-قۇجات; 2004 ج., № 23, 142-قۇجات; 2005 ج., № 5, 5-قۇجات; № 13, 53-قۇجات; 2007 ج., № 9, 67-قۇجات; 2011 ج., № 11, 102-قۇجات) كۇشى جويىلدى دەپ تانىلسىن.
قازاقستان رەسپۋبليكاسىنىڭ پرەزيدەنتi ن.نازارباەۆ.
استانا, اقوردا, 2011 جىلعى قازاننىڭ 11-ءى. №483-ءىV قرز