قازاقستان پارلامەنتى ءماجىلىسىنىڭ دەپۋتاتى, پالاتانىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى ءۋاليحان قاليجانوۆ كۋبانىڭ قازاقستانداعى توتەنشە جانە وكىلەتتى ەلشىسى ابەلاردو ەرناندەس فەررەرمەن كەزدەستى.
كۋبا ەلشىسى «قازاقستان ءۇشىن ەڭ ماڭىزدى, تاريحي وقيعا – ەل تاۋەلسىزدىگىنىڭ 20 جىلدىعى. قازاقستاننىڭ مەرەكەسى ءبىزدىڭ دە مەرەكەمىز. بۇگىنگى كەزدەسۋىمىز ەكى ەل اراسىنداعى پارلامەنتتىك بايلانىستىڭ جالعاسى دەپ قابىلدايمىن. ءبىزدىڭ ەكىجاقتى دوستىعىمىز پارلامەنتارالىق كەڭەستەر مەن حالىقارالىق فورۋمدار جۇزىندە ءورىسىن تاۋىپ وتىرعانى ايان», – دەدى.
«قازاقستان – كۋبا» پارلامەنتارالىق ىنتىماقتاستىق توبىنىڭ جەتەكشىسى ۋ.قاليجانوۆ كۋبامەن جاڭا پارلامەنتارالىق بايلانىستاردى جەتىلدىرۋگە ارقاشان ازىرلىگىن ءبىلدىردى. ەكى مەملەكەت اراسىنداعى مەديتسينا جانە ءبىلىم بەرۋ جونىندەگى بايلانىستار قالىپتى دامىپ وتىرعانىنا توقتالدى.
كەلەشەكتە قارىم-قاتىناستى ودان ءارى دامىتۋ ءۇشىن كۋبا ەلشىسى ءماجىلىس دەپۋتاتتارىن كۋباعا شاقىردى.