جاپونيانىڭ قازاقستانداعى توتەنشە جانە وكىلەتتى ەلشىسى يتيرو كاۆاباتا «ەگەمەن قازاقستان» رەسپۋبليكالىق گازەتىنىنىڭ توراعاسى دارحان قىدىرالىگە العىس حات جولدادى.
جاپونيا ەلشىسى باس باسىلىمنىڭ توراعاسىن «التىن جەبە» فەستيۆالى اياسىندا ورتالىق ازيادا تۇڭعىش رەت وتكەن يابۋسامە كورسەتىلىمىنە اقپاراتتىق قولداۋ ۇيىمداستىرعانى ءۇشىن العىسىن ءبىلدىردى.
- گازەت بەتىندە جاريالانعان ماقالالار ارقىلى قازاقستاندىقتار جاپونيالىق ساداقشىلار مەن جىلقىشىلار تۋرالى ءبىلدى. بۇل ءوز كەزەگىندە قازاقستان مەن جاپونيا مادەنيەتتەرىنىڭ ءبىر-ءبىرىنىڭ ەلدەرىندە ەتەك جايا تارالۋىنا ىقپالىن تيگىزەدى, - دەلىنگەن حابارلامادا.
يتيرو كاۆاباتا رەداكتسيا ۇجىمىنا تابىس تىلەپ, ورناعان ىنتىماقتاستىق ءارى قاراي جالعاسىن تابۋىنا نيەت بىلدىردى