بايقاۋدىڭ وتە تارتىستى وتكەنىنە قاراماستان, 10 ەلدەن قاتىسقان 280-گە جۋىق مىڭ بۇرالعان بيشىلەر اراسىنان 5 جۇلدەنى ولجالاپ, بۇعان قوسا كۇزدە سوچي قالاسىندا وتەتىن حالىقارالىق بيشىلەر فورۋمىنا شاقىرتۋ الدى.
– بىزدەن ءۇش جۇپ تاماشا ونەر كورسەتىپ, قازىلار القاسىنان ەڭ جوعارى باعا الدى. كورەرمەندەر دە ەرەكشە قوشەمەت كورسەتتى . «جاسا, قازاقستان!» دەپ ۋرالاعاندا توبەمىز كوككە جەتكەندەي بولدى, – دەيدى ءانسامبلدىڭ كوركەمدىك جەتەكشىسى ولگا روستوۆششيكوۆا كوڭىل تولقىنىسىن جاسىرا الماي. ونىڭ تاربيەلەنۋشىلەرى ەۋروپالىق, لاتىنامەريكالىق, قازىرگى حورەوگرافيا اتالىمدارى بويىنشا سىنعا ءتۇسىپ, ۆەنا ءۆالسى, يسپان ءبيىن, تانگونى ناقىشىنا كەلتىرە ورىنداپ بەرگەن. ال «تەاتر ونەرى» اتالىمى بويىنشا العاش قاتىسىپ وتىرعاندارىنا قاراماستان جۇلدەلى ورىنعا قول جەتكىزگەن. ءيا, قۇلاعى ناشار ەستيتىن سولتۇستىكقازاقستاندىق ۇل-قىزدار ىم ارقىلى بي قيمىلىن جان-جاقتى مەڭگەرىپ, اۋەنگە لايىقتى قويىلىمداردى جوعارى دەڭگەيدە ۇسىنۋ ارقىلى «روزى وبزورا» حالىقارالىق فەستيۆالىنەن ەڭ جوعارى ماراپات – گران-پريمەن ورالۋى ەرەكشە تالانتتى ەكەندىكتەرىن ايعاقتاسا كەرەك.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى