ونىڭ ءتۇپ-توركىنى ءبىرىنشى كەزەكتە «ماكسيمۋس» جشس سەكىلدى وبلىس ورتالىعىنداعى لەكور-اراق ونىمدەرىن شىعاراتىن كاسىپورىنداردىڭ قىزمەتىنە قاتىستى تۋىنداپ وتىر. العاشقى باقىلاۋلار مەن تەكسەرۋلەر قالانىڭ كارىز جۇيەسىنە توگىلەتىن سپيرت ءوندىرىسىنىڭ قالدىقتارى وسىنداي تەرىس قۇبىلىستىڭ ورىن الۋىنا نەگىز قالايتىنى بەلگىلى بولدى. ونى وبلىستىڭ باس ەكولوگى جاقسىعالي يمانقۇلوۆ تا جوققا شىعارمايدى. ياعني تەحنيكالىق تىلدە «فۋگات» دەپ اتاۋ تاعىلعان سۇيىق قالدىق تازارتىلماعان قالپىندا كارىز جۇيەسى سۋلارىمەن ارالاسىپ كەتكەنى جونىندە دە ناقتى بايلامدار بار.
زاۋىت باسشىلارى ونى جويۋ ماقساتىندا الدىن الا قايناتىلىپ, بۋلاندىرىلاتىن فرانتسۋزدىق جۇيە پايدالانىلا باستاعانىن ايتىپ بەردى. ولاردىڭ مالىمدەۋىنشە, مۇنداي جاعدايدا سپيرت ءوندىرىسى قالدىقتارىنىڭ مولشەرى اجەپتاۋىر ازايادى ەكەن. كەلەسى كەزەكتە ونىڭ قالعان بولىگىندەگى زياندى زاتتاردى زالالسىزداندىرۋ ءۇشىن ارنايى پرەپاراتتار قولدانىلماق. بۇل كەزدە قالدىق ارنايى جابىق ورىندا تۇندىرىلادى. تەك سودان كەيىن عانا كارىز جۇيەسىنە جىبەرىلەدى دەيدى ولار. مۇنداي تازارتۋدان كەيىن فۋگات ەكولوگياعا زياندى اسەرىن تيگىزبەيتىن كورىنەدى. بۇگىنگى كۇنى قالالىق كارىز جۇيەسىنە توگىلەتىن قالدىقتاردان سىناما الۋ جۇمىستارىن جۇرگىزۋ بەلگىلەنگەن, الداعى ۋاقىتتا مۇنداي تەكسەرۋلەر «اقبۇلاق» اق ارقىلى ءار 10 كۇن سايىن جۇرگىزىلىپ, ساراپتاۋ قورىتىندىلارى جاريالانىپ تۇرماق. مۇنداي ءتارتىپ اقتوبە قالاسىنداعى سپيرت وندىرىسىمەن اينالىساتىن بارلىق كاسىپورىندارعا ورتاق بولىپ تابىلادى.
تەمىر قۇسايىن,
«ەگەمەن قازاقستان» اقتوبە