پارلامەنت سەناتى توراعاسىنىڭ ورىنباسارى بەكتاس بەكنازاروۆ پەن سەناتور ەرىك سۇلتانوۆ ايماقتارعا ساپار اياسىندا سولتۇستىك قازاقستان وبلىستىق جانە پەتروپاۆل قالاسى پروكۋراتۋراسىنىڭ, قۇقىقتىق ستاتيستيكا جانە ارنايى ەسەپ جونىندەگى كوميتەت باسقارماسىنىڭ جەكە قۇرامىمەن كەزدەستى.
كەزدەسۋ بارىسىندا مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن جانە «100 ناقتى قادام» ۇلت جوسپارىن ىسكە اسىرۋ اياسىنداعى پارلامەنت قابىلداعان زاڭداردىڭ نەگىزگى ەرەجەلەرى تۋرالى ايتىلدى.
سەناتورلار پروكۋراتۋرا ۇجىمىن زاڭ شىعارۋ جۇمىستارى تۋرالى حاباردار ەتىپ, وبلىس پروكۋراتۋراسىنىڭ مۇراجايىندا بولدى, قاداعالاۋشى ورگاننىڭ جۇمىسىمەن تانىستى.
كەزدەسۋ سوڭىندا ب.بەكنازاروۆ پروكۋراتۋرا ۇجىمىن قابىلدانعان قۇقىقتىق اكتىلەردى تالقىلاۋعا بەلسەندى قاتىسۋعا شاقىردى, دەپ حابارلادى پارلامەنت سەناتىنىڭ ءباسپاسوز قىزمەتى.