اسكەري-تەحنيكالىق مەكتەپ مارتبەك مامىراەۆتىڭ اتىن يەلەنگەن. ءمۇسىننىڭ اۆتورى ساۋلەتشى ەلي كاچۋەۆ. سالاتانتتى اشىلۋىندا باتىردىڭ تۋىستارى مەن قىزى كلارا مارتبەكقىزى مامىراەۆا, سونىمەن قاتار قالالىق ءماسليحات حاتشىسى قۇدايبەرگەن بەكسۇلتانوۆ, وكتيابر اۋدانىنىڭ اكىمى ءالىمجان قاناەۆ, ارداگەرلەر كەڭەسىنىڭ توراعاسى مارات سەيفۋلل ۇلى ايماعامبەتوۆ قاتىستى.
مارتبەك مامىراەۆ - 1908 جىلى 2 ناۋرىزدا №20 اۋىلدا (قازىرگى قارقارالى اۋدانىنىڭ اقجول اۋىلىندا) دۇنيەگە كەلگەن. 1942 جىلى ۇلى وتان سوعىسىنا اتتانادى. دنەپردى الۋدا تانىتقان اسكەري ەرلىگى ءۇشىن مارتبەك مامىراەۆقا كسرو جوعارى كەڭەسىنىڭ پرەزيديۋم جارلىعىمەن 1944 جىلى 15 قاڭتاردا كەڭەس وداعىنىڭ باتىرى اتاعى مەن لەنين وردەنى جانە «التىن جۇلدىز» مەدالى بەرىلگەن. كەڭەس اسكەرىنىڭ قۇرامىنان دەموبيليزاتسيالانعان سوڭ مارتبەك مامىراەۆ كيروۆ اتىنداعى شاحتادا پارتيا ۇيىمىن باسقاردى, ودان كەيىن قراعاندى قالاسىنىڭ لەنين اۋداندىق پارتيا كوميتەتىنىڭ ءبىرىنشى حاتشىسى بولدى, كەنشىلەر استاناسى اتقارۋ كوميتەتى توراعاسىنىڭ ورىنباسارلىعىنا سايلاندى. ءومىرىنىڭ سوڭعى كەزىندە ول حيميا-مەتاللۋرگيا ينستيتۋتىندا ەڭبەك ەتتى.