بۇل تۋرالى بيىلعى جىلدىڭ التى ايىن قورىتىندىلاعان استانا قالاسىنىڭ مامانداندىرىلعان اۋدانارالىق سوتىنىڭ توراعاسى ءۋاليحان راحماتۋللاەۆ ءمالىم ەتتى. سوت توراعاسىنىڭ ايتۋىنشا, 2017 جىلى 6 ايىندا اتالعان سوتقا 16498 اكىمشىلىك ءىس كەلىپ تۇسكەن. ونىڭ بۇگىنگە دەيىن 15857-ءى قارالعان. بىلتىرعى جىلمەن سالىستىرعاندا كەلىپ تۇسكەن اكىمشىلىك ىستەر 303-كە از بولىپ وتىر.
اكىمشىلىك ىستەردىڭ ازايۋىن ءۋاليحان راحماتۋللاەۆ سوت كابينەتىنىڭ قولدانىلۋىمەن بايلانىستىرادى. ونىڭ ايتۋىنشا, سوت سايتىنداعى سوت كابينەتى, ياعني ەلەكتروندى جۇيە ارقىلى ارىز-شاعىمدارىن بەرۋشىلەر ارتىپ كەلەدى. ەلەكتروندى جۇيەگە وتكەندىكتەن, ءىس-قاعازدارمەن جۇمىس اتقارۋ دەڭگەيى ازايعان. ماسەلەن, جوعارىدا اتالعان 16 مىڭنان اسا ءىستىڭ 9400-گە جۋىعى (جارتىسىنان كوبى) سوت كابينەتى ارقىلى كەلىپ تۇسكەن.
اكىمشىلىك ىستەردىڭ اراسىندا 121 ءىس بيىل (وتباسىلىق جانجال) بىتىمگەرشىلىكپەن اياقتالىپ وتىر. ال جالپى قارالعان ىستەردىڭ 65-70 پروتسەنتى جول-كولىك وقيعاسىنا بايلانىستى قوزعالعان. سونىمەن قاتار, استانادا قوعامدىق ءتارتىپتى بۇزۋ جاعدايلارىنىڭ كوبەيگەنى (2580 ءىس) انىقتالعان. قۇجاتسىز جۇرگەندەر بويىنشا 343 ءىس قارالعان.
«التى ايدىڭ ىشىندە 11806 ادامعا 497 ملن 225 مىڭ 222 تەڭگەنىڭ ايىپپ ۇلى سالىندى. ونىڭ ىشىندە 203 ملن 369 مىڭ تەڭگە ادامداردىڭ ءوز ەركىمەن دەرەۋ تولەنگەن. اكىمشىلىك قاماۋ جازاسىنا 399 ادام تارتىلدى. 1167 ادام كولىك جۇرگىزۋ قۇقىعىنان ايىرىلدى», - دەيدى ءۋاليحان راحماتتۋللاەۆ.