وبلىستىق اۋىل شارۋاشىلىعى باسقارماسىنىڭ حابارىنشا قىتايلىقتار اۋىلداردان ەت الىپ, دايىن ءونىم شىعارۋدى جوسپارلاۋدا.
جەرگىلىكتى كاسىپكەرلەر قىتايلىقتارمەن بىرلەسىپ تۇيىرشىكتەلگەن مال ازىعىن دايىندايتىن جوبانى قولعا الماقشى. ارينە, ەكسپورتتىڭ ارتۋى شارۋالار ءۇشىن ءتيىمدى بولارى انىق. ءوزىمىز جەردى ساقتاپ, باپتاپ كۇتەتىن بولساق-جەر دە ءبىزدى ساقتايدى دەگەندەي.
قازىر قىتاي كاسىپكەرلەرى ءبىزدىڭ اۋىلداردىڭ اق بيدايىنا, ءدامدى بالىنا, تازا, ساپالى ۇنىنا قىزىعىپ وتىر. جەرگىلىكتى كاسىپكەرلەردىڭ دە نازارى قىتاي نارىعىندا. سوندىقتان بال, بيداي, ۇن ونىمدەرىن ەكسپورتتاۋ بويىنشا ەكى جاقسى حاتتاماعا قول قويىلىپتى. تۇركيا ەلىنەن دە ينۆەستورلار كەلىپ كەتىپتى. بىراق, قىتايلىقتار ءبىزدىڭ وبلىستان جەكىزىلگەن ەت, ەت ونىمدەرىنىڭ ساپاسىنا سىن ايتىپتى. قازىر پاۆلودارلىق قايتا وڭدەۋ كاسىپورىندارىنا حالىقارالىق زەرتحانالاردىڭ ماماندارى تارتىلۋدا.
جالپى, پاۆلودار وبلىسىندا اۋىل شارۋاشىلىعى ونىمدەرىن قايتا وڭدەيتىن 300 كاسىپورىن بار. ونىڭ 221-ءى وسىمدىك شارۋاشىلىعى ونىمدەرىن وڭدەسە, 79-ى مال شارۋاشىلىعى سالاسىندا جۇمىس ىستەيدى. ازىق-ت ۇلىك ونىمدەرىن ءوندىرۋ كولەمى التى ايدا 30,7 ملرد.تەڭگەنى قۇراعان. جىل باسىنان بەرى رەسەي, قىرعىزستان, وزبەكستان ەلدەرىنە جالپى كولەمى 46,4 مىڭ توننا بولاتىن بيداي, ۇن, جارما, ءسابىز, كارتوپ جونەلتىلىپتى.
فاريدا بىقاي, «ەگەمەن قازاقستان»