ونىڭ 3600-ءى (2016 ج. ءى جارتى جىلدىعىندا 2883 شەتەلدىك تۋريست كەلگەن) شەتەلدىك قوناقتار. بۇل وتكەن جىلدىڭ ءتيىستى مەرزىمىمەن سالىستىرعاندا 50%-عا كوپ. بۇل تۋرالى وقو كاسىپكەرلىك, يندۋستريالدى-يننوۆاتسيالىق دامۋ جانە تۋريزم باسقارماسىنىڭ وكىلدەرى حابارلادى.
شەتەلدىك تۋريستەردى ەجەلگى تۇركىستان, وتىرار اۋداندارىنىڭ تاريحي ورىندارى قىزىقتىرىپ, ولار كوبىنەسە ارىستان باب جانە قوجا احمەت ياسساۋي كەسەنەلەرىن ارالاپ ءجۇر. شەتەلدىك مەيمانداردىڭ ءبىرازى وڭتۇستىككە «ەكسپو-2017» حالىقارالىق كورمەسى اياسىندا كەلىپ جاتىر. بۇگىنگە دەيىن شارا شەڭبەرىندە كۇنگەيگە دە كەلىپ-كەتۋدى ۇيعارعان تۋريستەردىڭ ىشىندە قىتاي, ءۇندىستان جانە سينگاپۋر ەلىنىڭ ازاماتتارى دا بار. وڭىردەگى تاريحي ورىندار, ساۋلەتتىك قۇرىلىمدار مەن ەسكەرتكىشتەردى تاماشالاۋ ءۇشىن شەتەلدىك قوناقتار بىرنەشە كۇن جۇرگەن.
ايتا كەتەيىك, بۇگىنگى تاڭدا وبلىسىمىزدىڭ بارلىق اۋدان, قالالارىندا 1, 2 جانە 3 كۇندىك تۋريستىك باعىتتار جۇمىس ىستەيدى. ولاردىڭ اياسىندا تاريحي-مادەني جانە تابيعي 84 نىساندى ارالاۋعا بولادى. تۋريستىك باعىتتارعا قوسىلعان نەگىزگى نىساندار وتىرار قالاشىعى, ارىستان باب كەسەسەنى, ساۋران قالاشىعى, قوجا احمەت ياسساۋي كەسەنەسى مەن ازىرەت سۇلتان كەشەنى, سايرام-وگەم مەملەكەتتىك ۇلتتىق-تابيعي پاركى مەن اقمەشىت ۇڭگىرى جانە ت.ب. ورىندار.
تۋريستىك باعىتتاردىڭ ىشىندە وتىرار اۋدانىنداعى تۋريستەردى قىزىقتىراتىن ەتنواۋىل دا بار. قازاق اۋىلىنىڭ اۋماعىندا كوشپەندىلەردىڭ مادەنيەتى مەن تۇرمىسىن بارىنشا شىنايى قالپىندا كورىپ, سەزىنۋگە بولادى. جىلقى مەن تۇيەگە ءمىنىپ, اسەم تابيعاتتا سەرۋەندەۋگە, كەڭ دالانىڭ تازا اۋاسىنان جۇتىپ, قازاقتىڭ ۇلتتىق تاعامدارىنان ءدام تاتۋعا بولادى.