پرەزيدەنت ن.نازارباەۆتىڭ جىل سايىنعى حالىققا جولداۋىن قالىڭ بۇقارا اراسىنا كەڭىنەن ناسيحاتتاۋ − ءبارىمىزدىڭ مىندەتىمىز. وسى ماقساتتا ۇكىمەت مۇشەلەرى مەن پارلامەنت دەپۋتاتتارىنان, وبلىس پەن اۋدان جانە اۋىل اكىمدىگىنەن, سونداي-اق مەكەمە قىزمەتكەرلەرى تاراپىنان ۇگىت-ناسيحات توبى قۇرىلىپ, ءارتۇرلى ءىس-شارالار وتەدى. مەن دە اۋىلىمىزداعى اقپاراتتىق-ناسيحاتتىق توپتىڭ مۇشەسىمىن جانە ونى ماقتان تۇتامىن.
جولداۋدا اتاپ كورسەتىلگەن مىندەتتەر مەن تاپسىرمالار اۋدانىمىزدا, قالا بەردى اۋىلىمىزدا جۇزەگە اسىپ جاتقاندىعىنا كۋا بولىپ ءجۇرمىز. اتاپ ايتقاندا, بىلتىر شاردارا اۋدانى دوستىق ەلدى مەكەنىندەگى 400 ورىندىق مادەنيەت ءۇيىنىڭ عيماراتى 108 ملن تەڭگەگە كۇردەلى جوندەۋدەن ءوتتى. «دوستىق» جالپى ورتا مەكتەبىندە 2009 جىلى 9,5 ملن تەڭگەگە, 2012 جىلى 32 ملن تەڭگەگە, 2016 جىلى 19,456 ملن تەڭگەگە كۇردەلى جوندەۋ جۇمىستارى وبلىستىق بيۋدجەتتىڭ قارجىلاندىرۋىمەن جۇرگىزىلدى. ەسكى 140 ورىندىق بالاباقشا 2014-2015 جىلدارى رەسپۋبليكالىق, وبلىستىق بيۋدجەتتىڭ ەسەبىنەن بولىنگەن 2 ملن 95 مىڭ تەڭگە قارجىعا اعىمداعى جوندەۋدەن وتكەن.
ەلدى مەكەنىمىزدە ورتالىقتاندىرىلعان اۋىز سۋ قۇبىرى بار. سۋدىڭ ساپاسى قاناعاتتانارلىق. 1978 جىلى سالىنعان نىساندى «شاردارا اۋىل سەرۆيس» ممك 2011 جىلى وبلىستىق بيۋدجەتتەن بولىنگەن 78 ملن 644 مىڭ تەڭگەگە قايتا قۇرىلىمداۋدان وتكىزدى. اۋىلدىڭ ىشكى كوشەلەرىنىڭ جالپى ۇزىندىعى 1991 جىلعا دەيىن 935 مەتردى قۇراسا, ول كورسەتكىش بۇگىندە 1505 مەترگە جەتىپ وتىر. كوشەلەرگە قيىرشىق تاس, اسفالت توسەلىپ, جاڭارتىلىپ تولىعىمەن ورتاشا جوندەۋدەن ءوتتى.
قازىرگى تاڭدا اۋىلدىڭ ىشكى جۇيەلەرىن ەلەكترلەندىرۋ بويىنشا 4 ملن 43 مىڭ تەڭگەگە جسق دايىندالۋدا. اۋىلىمىزدا باسپانا ماسەلەسى دە وڭتايلى شەشىلىپ كەلەدى. قازىر تۇرعىن ءۇي الابىنا بولىنگەن جەر ۋچاسكەسىنىڭ اۋماعىندا جاسالىنىپ جاتقان باس جوسپاردىڭ وڭايلاتىلعان سىزباسى بەكىتىلىپ, تولىعىمەن ورىندالدى. بۇدان بولەك, جاڭادان كوممۋنالدىق 3 تۇرعىن ءۇيدىڭ قۇرىلىس جۇمىستارى جۇرگىزىلۋدە, كەلەر جىلدىڭ ناۋرىز ايىندا اياقتالادى دەپ كۇتىلۋدە. ال اۋىلىمىزدا وتەتىن مادەني ءىس-شارالاردىڭ سانى دا جەتكىلىكتى. مىنەكي, ەلباسىمىزدىڭ جولداۋلارىندا ايتىلعان ماسەلەلەر ءبىزدىڭ اۋىلىمىزدا دا وسىلايشا قارقىندى تۇردە جۇزەگە اسىپ كەلەدى.
قورىتا ايتقاندا, جاڭا جاعدايداعى رۋحاني جاڭعىرۋ بارشامىزدان جاھاندىق وزگەرىستەرگە جانە جاڭاشىلدىقتارعا دايىندىقتى جانە ۇمتىلىستى قاجەت ەتەدى. ويتكەنى ءبىز ايرىقشا سەرپىندىلىكپەن جىلجىپ جاتقان زىمىران ۋاقىتتا ءومىر سۇرۋدەمىز. جالپى, باعداردان ايقىن كوزقاراس, جاھاندانۋ داۋىرىندە قالاي دا ۇلت رەتىندەگى ءوز ەرەكشەلىگىن ساقتاپ, دامۋ مۇراتىنان تۋعان كۇرەسكەرلىك, جاڭاشىلدىق اڭعارىلادى. وسى قاسيەتتەر نامىس تۋىن ۇنەمى تىك ۇستايتىن قازاق دەگەن حالىقتىڭ ءاربىر ازاماتىنىڭ بويىنا دارىسا, نۇر ۇستىنە نۇر بولار ەدى.
نۇرباس يسا
وڭتۇستىك قازاقستان وبلىسى,
شاردارا اۋدانى,
دوستىق اۋىلى