بايقاۋعا بيىل 30-دان استام زاعيپ جان قاتىسۋعا نيەت ءبىلدىرىپتى. ونىڭ اراسىنان 14-ءى ىرىكتەلىپ, كەلەسى فينالعا وتكەن. فەستيۆال «اباي شىعارمالارىن جاتقا ايتۋ, قارا سوزدەرىنەن, «اباي جولى» ەپوپەياسىنان ءۇزىندى وقۋ, الەم تىلدەرىنە اۋدارىلعان شىعارمالاردى وقۋ سياقتى بىرنەشە تاپسىرمادان تۇرادى. ال جەڭىمپازدار قالالىق «اباي وقۋلارى» شاراسىنا جولداما الىپ, باعالى سىيلىقتارمەن ماراپاتتالادى.
«بۇل فەستيۆالدىڭ ماقساتى – ۇلى دانىشپان, ويشىل اباي قۇنانباەۆتىڭ 172 جىلدىعىنا ارنالعان شارا. سول كىسىنىڭ ادەبي-مادەني مۇراسىن, مەملەكەتتىك ءتىلىمىزدى زاعيپ وقىرماندار اراسىندا كەڭىنەن ناسيحاتتاۋ بولىپ تابىلادى. كەلەسى جىلى قۇداي قالاسا, رەسپۋبليكالىق دەڭگەيدە وتكىزسەك پە دەپ وتىرمىز», - دەدى زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحانا ديرەكتورى ەرلىكباي الىمقۇلوۆ.