«تاعى دا ءبىر قازاقستاندىق اۋە كومپانياسىنىڭ ەۋروكوميسسيانىڭ اككرەديتاتسياسىنان وتكەنىن قۋانا حابارلايمىز. «Comlux-kz» اۋە كومپانياسى ەۋرو كوميسسيانىڭ تسو (Third Country Operators-تۇپنۇسقادا-رەد) اككەرديتاتسياسىنان ءوتىپ, ەۋروپا اۋە كەڭىستىگىندە ۇشۋعا رۇقسات الدى. بۇل - ەۋرووداق ەلدەرىنە ۇشا الاتىن 4-ءشى قازاقستاندىق كومپانيا. بۇعان دەيىن, «ەير استانا», «پرايم», «قازەيردجەت» كومپانيالارى ەۋرووداقتىڭ اۋە كەڭىستىگىندە ۇشۋعا رۇقسات العان», - دەپ جازدى «Comlux-kz» كومپانياسىنىڭ ۇجىمىن قۇتتىقتاعان ازاماتتىق اۆياتسيا كوميتەتىنىڭ وكىلدەرى فەيسبۋكتاعى جەكە پاراقشاسىندا.
تسو - ەۋروپا ەلدەرىنە ۇشۋ ءۇشىن 2014 جىلى ەنگىزىلگەن شەتەل اۋە كومپانيالارىنا جۇرگىزىلەتىن ارنايى اككرەديتاتسيالىق ۇدەرىس.
ايتا كەتەيىك, «Comlux-kz» اۋە كومپانياسى جەكە ۇشاقتارعا باسشىلىق جاساپ, VIP چارتەرلىك رەيستەرىن ورىندايدى. كومپانيادا قازاقستاندا تىركەلگەن 4 ۇشاق بار. 2008 جىلى قۇرىلعان. 2017 جىلدىڭ 27 اقپانىندا قازاقستان پرەزيدەنتى نۇرسۇلتان نازارباەۆ پەن رەسەي پرەزيدەنتى ۆ.پۋتين الماتىدا اتالعان كومانيانىڭ رەسەيدە قۇرالعان بيزنەس-دجەت ۇشاعىمەن تانىسقان بولاتىن.