ورال تۇرعىنى سكەا داۆينا تايلاندتاعى Prince and Princess International 2017 دۇنيەجۇزىلىك سۇلۋلىق جانە تالانتتار فەستيۆالىندە جەڭىمپاز اتاندى. بۇل تۋرالى كونكۋرستىڭ Facebook-تەگى رەسمي پاراقشاسىندا جاريالاندى.
بۇعان دەيىن سكەا داۆينا گرۋزيادا وتكەن Prince & Princess حالىقارالىق كونكۋرسىندا Best princess of the World Best Sharm 2017, Best princess of the Asia Winner, Best Charity of the World 2017 نوميناتسيالارىندا جەڭىمپاز بولعان ەدى. سونداي-اق ول «ۇزدىك قايىرىمدىلىق روليگى» اتتى جەكە اتالىمدا ۇزدىك شىقتى. پاتريوتتىق روليكتە سكەا داۆينا تۋعان قالاسى مەن قازاقستان تۋرالى اڭگىمەلەيدى.
«قازاقستاندا ادامدار وتانىمىزدىڭ ورتاق ەكەنىن تۇسىنە وتىرىپ, ەركىن, تاتۋ ءومىر سۇرەدى. مەن ەلىمدى سۇيەمىن, ماڭگىلىك جاقسى كورىپ وتەمىن. ال جاقسى كورۋ ارقاشان پايدا اكەلەدى, ەلىمىزگە قورعان بولادى», - دەيدى جەڭىمپاز.