ونىڭ ايتۋىنشا, بويجەتكەن تابىلعان جانە تۋىستارىنا ورالدى.
«ول قازاقستانعا ءوز بەتىمەن كەلدى جانە قازىرگى ۋاقىتتا ءوز تۋىستارىنىڭ جانىندا ءجۇر. ونىڭ اتا-اناسى بىزگە حابارلاستى جانە قىزدىڭ جاعدايى جاقسى ەكەنىن, تەك جاقىندارىنىڭ قولداۋىنا مۇقتاج ەكەنىن حابارلادى. تاگينا ايتارلىقتاي پسيحولوگيالىق سوققى العان جانە وزگە ادامدارمەن تىلدەسۋگە دايىن ەمەس. سوندىقتان, ازىرگە وقيعانىڭ ءمان-جايى انىقتالىپ جاتىر», دەدى ءا.جايناقوۆ.
قر سىرتقى ىستەر مينيسترلىگىنىڭ ءارى قارايعى ءىس-ارەكەتى جونىندە جايناقوۆ بارلىعى زارداپ شەككەن قىزدىڭ شەشىمىنە بايلانىستى ەكەنىن باسا ايتتى.
«ەگەر ول ءوزىن باحرەيندە كۇشتەپ ۇستادى دەپ ارىز جازار بولسا, ءبىز قاسكويلەرلەردى جاۋاپقا تارتۋدا قول ۇشىن سوزاتىن بولامىز. قر ەلشىلىگى مەن قر سىرتقى ىستەر مينيسترلىگى قىز جوعالعان ساتتەن بەرگى جاعدايدى باقىلاۋدا ۇستاپ كەلەدى. ءوز كەزەگىندە باحرەين پوليتسياسى جىلدام جۇمىس ىستەپ, بىرقاتار ىزدەستىرۋ شارالارىن جۇرگىزدى», دەپ اتاپ ءوتتى جايناقوۆ.
ەسكە سالا كەتسەك, تامىز ايىنىڭ باسىندا قىزدارىنىڭ جوعالىپ كەتكەنىن ايتقان تاگينا حايتمەتوۆانىڭ اتا-اناسى سىرتقى ىستەر مينيسترلىگىنە جۇگىندى. 27 شىلدە كۇنى تاگينا استانادان دۋبايعا ۇشقان جانە سول جاقتان باحرەينگە اتتانعان. ەكى كۇن وتكەن سوڭ, تۋىستارى قىزبەن بايلانىستى جوعالتقان.