قالا تۇرعىندارى مەن قوناقتارىنا ءبىر اي بويىنا بارىنشا مازمۇندى مادەني – ساۋىق باعدارلامالارى ۇسىنىلادى: 60-تان استام جاڭا ءارى بۇرىننان بار فەستيۆالدەر مەن كونتسەرتتەردى تاماشالاۋعا بولادى. قالا كۇنىنە ارنالعان مەرەكەلىك باعدارلاما «مەدەۋ» بيىك مۇز ايدىنىندا 19-20 تامىزدا باستالادى, مۇندا «رۋحاني جاڭعىرۋ» اياسىندا العاشقى حالىقارالىق «Star of Asia» مۋزىكا فەستيۆالى وتەدى.
ازيانىڭ ءتۇرلى باعىتتاعى تانىمال ورىنداۋشىلارى حيپ-حوپتان باستاپ, كلاسسيكانى, r'n'b دان يندي-پوپتى جانە روكتى ۇسىنىپ, الماتىلىقتار ءۇشىن ناعىز مۋزىكالىق مەرەكە جاسايدى. فورماتى بويىنشا مۇلدەم جاڭا فەستيۆال بولىپ تابىلاتىن Star of Asia» «ازيا داۋسى» مۋزىكالىق بايقاۋىنىڭ ءداستۇرلى جالعاسىنداي.«مەدەۋ» بيىك مۇز ايدىنىنا قىتايدىڭ, تۇركيانىڭ, جاپونيانىڭ, وڭتۇستىك كورەيانىڭ, ينديانىڭ جانە باسقا شەتەلدەردىڭ تانىمال انشىلەرى كەلەدى. ولداردىڭ اراسىندا وڭتۇستىك كورەيالىق «U-KISS» ك-رور توبى, ينديانىڭ ءانشىسى Sanah Moidutty, تۇرىك جۇلدىزى Murat Boz بار. ەكى كۇن ىشىندە شەتەلدىك ارتيستەرمەن بىرگە مۋزارت, كايرات نۇرتاس, ايكىن,ء الي وكاپوۆ جانە باسقا قازاقتاندىق ورىنداۋشىلار دا ونەر كورسەتەدى. بيلەتتەردى «Kassir.kz» cايتىنان الۋعا بولادى. 7 تامىزدان باستاپ «مەلومان» جەلىسى مەن رەسپۋبليكا سارايىنىڭ كاسسالارىنا فەستيۆال بيلەتتەرى تۇسە باستايدى.
قالا تۇرعىندارى مەن قوناقتارى ءبىر اي ىشىندە «كوك-توبە - وپەرا» حالىقارالىق مۋزىكا فەستيۆالىنە بارىپ, اشىق اسپان استىندا «وركەسترلەر شەرۋىن», «Aلما fest» الما فەستيۆالىن تاماشالاپ, «تويقازان 2017» اتتى قازاقستان حالىقتارىنىڭ ۇلتتىق اس مازىرلەرى فەستيۆالىنەن ءدام تاتىپ, «Gakku داۋسى» كوپمىڭدىق Open Air ءدى قىزىقتاپ, «تۇلپار» ۇلتتىق كينوسىيلىعىن تاپسىرۋعا قاتىسىپ, ع.مۇسىرەپوۆ اتىنداعى جاستار تەاترىنىڭ «بازارىم تارقاماسىن» سپەكتاكلىن جانە باسقالارىن كورە الادى. «Almaty Sales Festival: Summer 2017» جەڭىلدىك فەستيۆالى اياسىندا قالانىڭ 100-دەن استام ساۋدا ورتالىقتارى ارزان تاۋارلاردى ۇسىنادى.
قالا كۇنى مەرەكەسىندە, 17 قىركۇيەكتە «الماتى ارەنادا» «Muzzone» تەلەارناسىنىڭ VI ەۆرازيالىق «EMA 2017» مۋزىكالىق سىيلىعىن تاپسىرۋ سالتاناتى وتەدى.
كوڭىلدى مادەني باعدارلامالاردان وزگە الماتىلىقتار مەن قالا قوناقتارى سپورت جارىستارىن دا تاماشالاي الادى. ولاردىڭ ىشىندە قازاق كۇرەسى بويىنشا كوپتىڭ كوڭىلىنەن شىققان «الەم ءبارىسى» تۋرنيرى. 9 قىركۇيەكتە «Alash Pride» پالۋاندارىنىڭ جارىسى وتەدى, مۇندا ەشكىمگە جەڭىلىس بەرمەگەن ارمان وسپانوۆ برازيليالىق تياگو تاۆارەسپەن كۇش سىناسادى. بيىل «تۋر الماتى» ۆەلوجارىسى ەكى كۇن بويىنا 28-29 قىركۇيەكتە وتەدى ءارى حالىقارالىق كوپكۇندىك تۋرلاردىڭ ەڭ ماڭىزدىسى بولىپ تابىلادى. «ەۆروسپورت» تەلەارناسى جارىستى تىكەلەي ترانسلياتسيالايدى.
اتاپ وتەرلىك جايت, «الماتى ارەنادا» جاقىن ايلار ىشىندە «ABBA platinum», «ا’studio», «گريبى» جانە باسقالارىنىڭ كونتسەرتتەرى وتەدى. رەسپۋبليكا سارايىندا تورەعالي تورەالى, ۆاەنگي, نارگيز زاكيروۆا, پاۆەل ۆولي جانە باسقا قازاق جانە رەسەيلىك ەسترادا جۇلدىزدارىنىڭ كونتسەرتتەرى وتەدى. بۇلاردان وزگە, بيىل م.لەرمونتوۆ اتىنداعى مەملەكەتتىك اكادەميالىق ورىس دراما تەاترى مەن ەلىمىزدىڭ ەڭ كونە الماتى زوولوگيالىق پاركى وزدەرىنىڭ 80 جىلدىق مەرەيلى مەرەكەلەرىن اتاپ وتەدى.
قالا كۇنىنە وراي جاياۋ جۇرگىنشىگە باسىمدىق بەرەتىن پانفيلوۆ, جىبەك جولى, گوگول, قابانباي باتىر كوشەلەرى مەن «استانا» الاڭىن قايتا جاساۋ جۇمىستارى اياقتاۋ جوسپارلانعان جانە بىرقاتار الەۋمەتتىك نىساندار, اۋدان اكىمدىگى, حقكو, سوت, پروكۋراتۋرا, ادىلەت باسقارماسى جانە باسقالارى ورنالاساتىن ناۋرىزباي اۋدانىنىڭ اكىمشىلىك ورتالىعى اشىلادى.