سۋدى جوق دەۋ ەمەس, تابۋ ماڭىزدى

ماڭعىستاۋدا سۋ ماسەلەسىن شەشۋدى ودان ءارى جانداندىرىپ, ورىنداۋعا بولادى-اۋ دەگەن مۇمكىندىكتەردى ىسكە قوسۋ قاجەت. قازىرگى تاڭدا وڭىردە تەڭىزدىڭ تۇزدى سۋىن تۇشىتاتىن زاۋىتتار سالۋ ماسەلەسى ءجيى كوتەرىلىپ كەلەدى. بۇل باعىتتا وزدەرىنىڭ جوبالارىن ۇسىنىپ, كۇردەلى ماسەلەنى بىرلەسە شەشۋگە ىنتا بىلدىرۋشىلەر دە جوق ەمەس. سولاردىڭ ءبىرى − «BeltWay Group Limited» كومپانياسى. 1995 جىلى شانحايدا قۇرىلىپ, بۇگىندە الەمدىك دەڭگەيدە ءتۇرلى سالا بو­يىنشا قىزمەت كورسەتىپ جۇرگەن اتالمىش كومپانيانىڭ باسشىسى ءالي موحاماد «استانا قىزمەت-كز» جشس ديرەكتورى بولات ىدىرىسباەۆ, «SafBon Water Service (Holding) Inc.» مەكەمەسىنىڭ باس مەنەدجەرى ۆانگ كسيانمەن ات باسىن ماڭعىستاۋعا بۇردى. ماڭعىستاۋ وب­لىسىندا سۋ تۇششىتۋ زاۋىتىن سالۋ­عا قىزىعۋشىلىق تانىتقان ولار بۇل تۇرعىدا دايىنداعان ارنايى جو­با­لارىن جۇرتشىلىق نازارىنا ۇسىندى.  سۋ تۇششىتاتىن جاڭا زاۋىت سوڭعى جىل­دارى وركەندەپ, بىرنەشە جاڭا نى­سان­داردىڭ مەكەنىنە اينالعان, پاروم كەشەنىمەن تانىمال قۇ­رىق اۋىلىنان 22 شاقىرىم جەر­دە ورنالاسىپ, وعان قورەك كوزى رەتىندە گاز-تۋربينالى ەلەكتر ستان­ساسى پايدالانىلادى. كۇنىنە 80 مىڭ تەكشە مەتر سۋ تۇششىتا­تىن زاۋىت ءوز ونىمدەرىمەن «وزەنمۇ­نايگاز» اق, جەتىباي, قۇرىق اۋىل­دارى مەن اقتاۋ, جاڭاوزەن قالا­لارىن قامتاماسىز ەتەمىز دەپ سەندى­رۋ­دە. سونداي-اق, قۋاتتىلىعىن ءبىر دەڭ­گەي­دە ۇستاماي, ەڭ وزىق تەحنولوگيا­لاردى پايدالانۋ ارقىلى بولا­شاقتا اۋقىمدى ەتە ءتۇسۋدى كوزدەيتىن زاۋىتتىڭ جوبالاۋشىلارى ماڭ­عىس­تاۋدا اۋىل شارۋاشىلىعى سالاسىن دامىتۋ ءۇشىن سۋمەن قامتاماسىز ەتۋگە اتسالىسپاق.  جاقسى ۇسىنىستار جەردە قال­عان جوق – ماڭ­عىس­تاۋ وبلىسى اكىم­دىگى اتال­مىش كوم­پا­نيا­مەن ۇزاق مەر­زىمدى جانە ءوزارا ءتيىمدى ىن­تى­ماق­­تاس­تىق تۋ­رالى مەموراندۋمعا قول قويىپ, ءوڭىر باسشىسى ە.توع­جانوۆ جوبانى دايىنداۋ جانە جۇزە­گە اسىرۋ ما­سەلەلەرىمەن اينالى­ساتىن جۇمىس توبىن قۇرۋ­دى تاپسىردى.  ءوڭىر ءۇشىن اۋىز سۋ تاپشى دەپ جايباراقات وتى­رۋ ەمەس, جوقتان بار جاساپ, اۋىز سۋدى تابۋ جول­دارى ماڭىزدى.  گۇلايىم شىنتەمىرقىزى, «ەگەمەن قازاقستان»

ماڭعىستاۋ وبلىسى