«بۇل شارا «جاسىل ەنەرگەتيكانى» دامىتۋعا مۇددەلى جاھاندىق كەڭىستىككە كىرۋگە نەگىز بولماق. باتىس قازاقستانداعى مينەرالدى رەسۋرستاردىڭ مولدىعى جانە ينۆەستيتسيالىق احۋالدىڭ جاقسارۋى وزگە وڭىرلەر اراسىندا تىكەلەي شەتەلدىك ينۆەستيتسيا تارتۋ ۇلەسىنەن العاشقى ورىندا بولۋعا مۇمكىندىك بەرۋدە. قازىرگى ۋاقىتتا شەتەلدىك ينۆەستورلارمەن جانە وڭىردەگى بيزنەسمەندەرمەن ىنتىماقتاسۋدىڭ ارقاسىندا زاماناۋي تەحنولوگيامەن جابدىقتالعان باسەكەگە قابىلەتتى كاسىپورىندار اشىلۋدا. ماسەلەن, وڭىردە فيندىك تەحنولوگيامەن جيھاز جانە تەرەزە جاساۋ, مۇناي-حيميا سالاسىندا كانادا-يراندىق جوبانى قولدانۋ, تۇرىك ينۆەستورلارىنىڭ كاسىپورىندارىمەن بىرلەسىپ ترانسفورماتور شىعارۋ تابىستى جۇزەگە اسۋدا», دەدى اكىم. ايماق باسشىسى فينليانديا وكىلدەرىمەن كەزدەسۋ وتكىزىپ, بىرلەسكەن ءۇش جوبانى جۇزەگە اسىرۋعا كەلىسكەندەرىن جەتكىزدى. ياعني, وبلىستا فين تەحنولوگياسىمەن جيھاز جانە ەسىك-تەرەزە شىعارۋ, تۇرمىستىق قالدىقتاردى كادەگە جاراتۋ جانە قۇرىلىس سالاسىندا 3D-جوبالاۋدى قولدانۋعا باسىمدىق بەرىلمەك.
•
07 تامىز, 2017
فين تەحنولوگياسىن پايدالانادى
167 رەت
كورسەتىلدى
ەكسپو-2017 حالىقارالىق كورمەسىنىڭ كورپوراتيۆتى پاۆيلونىندا باتىس قازاقستان وبلىسىنىڭ يننوۆاتسيالىق جوبالارى تانىستىرىلعان ينۆەستيتسيالىق فورۋم ءوتتى. شەت مەملەكەتتەر ەلشىلىكتەرى مەن حالىقارالىق قارجى ينستيتۋتتارىنىڭ, ۇلتتىق جانە شەتەلدىك كومپانيالاردىڭ وكىلدەرى قاتىسقان جيىندا ايماق اكىمى التاي كولگىنوۆ ەلباسىمىز قازاقستاندى الەمنىڭ ەڭ دامىعان ەلدەرىنىڭ قاتارىنا قوسۋدى باستى ستراتەگيالىق مىندەت ەتىپ قويعانىن اتاپ ءوتتى.