ورىنبورلىق جەتكىنشەكتەردىڭ ساپارى رەسەي فەدەراتسياسىنىڭ ءبىلىم جانە عىلىم مينيسترلىگى مەن اقتوبە وبلىسىنىڭ اكىمدىگى اراسىنداعى ءوزارا ىنتىماقتاستىق تۋرالى مەموراندۋمدى جۇزەگە اسىرۋ اياسىندا ۇيىمداستىرىلعان. بالالار ەلوردادان ورالعان سوڭ اقتوبە قالاسىنا ەكسكۋرسيا جاساپ, قالانىڭ تاريحى تۋرالى دەرەكتەرگە قانىقتى. تاحاۋي احتانوۆ اتىنداعى وبلىستىق دراما تەاترىندا, ءاليا مولداعۇلوۆا اتىنداعى مەموريالدى كەشەندە, تۇڭعىش پرەزيدەنت اتىنداعى ساياباقتاعى سۋلى-جاسىل بۋلۆاردا بولدى. رەسەيلىك تاراپ وتكەن جاز ايلارىندا اقتوبەلىك بالالاردى قارسى العان بولاتىن. بۇگىندە ورىنبور وبلىسىنداعى «كۇنشۋاق ەلى» بالالاردى ساۋىقتىرۋ لاگەرىنەن 20 اقتوبەلىك ءجاسوسپىرىم ورالدى. تامىز ايىنىڭ 2-ءسى مەن 15-ءى ارالىعىنداعى كەزەڭگە بارۋ ءۇشىن وڭىردەگى دارىندى بالالاردىڭ ءتورتىنشى توبى دايىندالۋدا.
ورىنبور وبلىسىنىڭ 50 دارىندى وقۋشىسى استاناداعى ەكسپو-2017 حالىقارالىق كورمەسىن تاماشالادى. قوناقتار ءۇش كۇن بويى كورمە پاۆيلوندارىن ارالاپ, قالانىڭ كورىكتى جەرلەرىمەن جانە ەلوردانىڭ باستى سيمۆولى – «بايتەرەك» مونۋمەنتىمەن تانىستى.