ءوزىنىڭ تۋعان جەرىنە جاناشىرلىقپەن, سۇيىسپەنشىلىكپەن قاراعان ازاماتتار قاي كەزدە دە بولعان. تۋعان اۋىلىنىڭ ابىرويىن اسقاقتاتىپ, قول ۇشىن سوزىپ جۇرگەن جاندار قازىر دە بار. سونداي ازاماتتاردىڭ ءبىرى – توقتار اۋىلىنىڭ ازاماتى قانات ءابىش. ول تەگىسشىلدىك اۋىلى اكىمشىلىك عيماراتىنىڭ الدىنا كىشىگىرىم سۋبۇرقاق ورناتۋدى ءوز موينىنا الىپ, شارۋانى ۇلكەن ابىرويمەن اتقارىپ شىقتى. وسى ءىستى اتقارۋدا ميراس ءشارىپ, جانات ەسجانوۆ, ەرنياز تۇرسىنبەك سىندى اۋىل ازاماتتارى ۇلكەن كومەك كورسەتتى. قانات ءابىش الداعى ۋاقىتتا اكىمدىكپەن بىرلەسىپ, سۋبۇرقاق جانىنان اۋىل تۇرعىندارى مەن قوناقتارى دەمالاتىن اللەيا سالماقشى. اۋىل اكىمى نۇرلان قاپان دا ىرگەلى ىسكە اكىمدىك تاراپىنان جان-جاقتى كومەك كورسەتىلەتىندىگىن ايتتى. ەلباسىمىز ن.ءا.نازارباەۆ «بولاشاققا باعدار: رۋحاني جاڭعىرۋ» اتتى ماقالاسىندا «پاتريوتيزم كىندىك قانىڭ تامعان جەرىڭە, وسكەن اۋىلىڭا, قالاڭ مەن وڭىرىڭە, ياعني تۋعان جەرىڭە دەگەن سۇيىسپەنشىلىكتەن باستالادى» دەي كەلىپ, «باسقا ايماقتارعا كوشىپ كەتسە دە تۋعان جەرلەرىن ۇمىتپاي, وعان قامقورلىق جاساعىسى كەلگەن كاسىپكەرلەردى, شەنەۋنىكتەردى, زيالى قاۋىم وكىلدەرى مەن جاستاردى ۇيىمداستىرىپ, قولداۋ كەرەك. بۇل – قالىپتى جانە شىنايى پاتريوتتىق سەزىم, ول اركىمدە بولۋى مۇمكىن. وعان تىيىم سالماي, كەرىسىنشە, ىنتالاندىرۋ كەرەك» دەپ ايتقان بولاتىن. ەلباسىنىڭ وسى ايتقانى تۋعان جەردى ۇلىقتايتىن جانداردىڭ ارقاسىندا جەر-جەردە جۇزەگە اسا باستادى. «بۇل قازاقتا جىگىتتەر بار نارقاسقا» دەگەندەي, قانات ءابىش سىندى ازاماتتىڭ تۋعان جەرگە دەگەن قامقورلىعىن قارقارالى وڭىرىنەن تۇلەپ ۇشقان باسقا جاندار قولداپ, اۋىلدارىنىڭ وركەندەۋىنە وزىندىك ۇلەس قوسىپ جاتسا, پاتريوتيزم دەگەنىمىز سول ەمەس پە!
نۇرجان كوشكىنبايتەگى
قاراعاندى وبلىسى, قارقارالى اۋدانى, توقتار اۋىلى