قازىرگى قازاق ادەبيەتىنىڭ دامۋ بارىسىن جان-جاقتى زەرتتەپ-زەردەلەپ جۇرگەن عالىمدار ەلباسى ن.ءا.نازارباەۆتىڭ رۋحاني جاڭعىرۋعا بايلانىستى كوتەرگەن ماڭىزدى ماسەلەلەرىنىڭ قازىرگى ادەبيەتتەگى كورىنىسى مەن وسى تاقىرىپتىڭ باسپاسوزدە قالاي قولداۋ تاۋىپ وتىرعاندىعىن كەڭىنەن تالقىلادى. شىعارماشىلىق يەلەرىنىڭ تاۋەلسىزدىك كەزەڭىندەگى تۋعان جەر, وتان, ەلدىك ماسەلەلەرىن كوتەرگەن تۋىندىلارى, ەل مەن جەر تاريحىنان سىر شەرتەتىن كەيبىر ۇزدىك شىعارمالارى اتالىپ, ولاردىڭ كوركەمدىك-تاريحي ماڭىزى جايلى كەيىنگى زەرتتەۋلەر بارىسى تۋرالى باياندامالار تىڭدالدى. قازىرگى ادەبيەتىمىزدىڭ دامۋىنا ۇلەس قوسىپ جۇرگەن قالامگەرلەر ءسوز الىپ, ءوز قاتارلاستارىنىڭ كەيىنگى جىلدارداعى وقىرمانعا ۇسىنعان كوركەم شىعارمالارىنىڭ رۋحاني قۇندىلىقتارى تۋرالى ءسوز ەتتى. وسى قاتارداعى جازۋشىلاردىڭ تاۋەلسىزدىك كەزەڭىندەگى رۋحاني وزگەرىستەردى كوركەم شىعارمادا سيپاتتاۋ ەرەكشەلىكتەرى بۇگىنگى كۇن وقيعالارىمەن تىعىز بايلانىسىپ وتىراتىندىعى ايتىلدى. – ءار ۋاقىتتا حالقىمىزدىڭ وتكەن ۋاقىتتاعى تاريحى مەن سالت-ءداستۇرىنىڭ دامىپ جاڭعىرۋى ونىڭ ادەبيەتى مەن مادەنيەتىنىڭ, تۇرمىستاعى ءال-اۋقاتىنىڭ جاڭعىرۋىنا ۇلاسادى. بۇگىنگى ەكونوميكانىڭ تەتىگى بولاتىن ەرتەڭگى جاس ۇرپاققا لايىقتى كوركەم شىعارمالار ۇسىنىپ, ولارعا بۇرىنعى قۇندىلىقتاردى ءسىڭىرىپ وتىرۋدىڭ ەلباسى ايتقان ۇلت جوسپارىن جۇزەگە اسىرۋدا ماڭىزى زور ەكەنى ءسوزسىز. ەلىمىزدەگى رۋحاني جاڭعىرۋدىڭ ادەبيەتتەگى كورىنىسى تۇرعىسىنان بۇگىنگى باسقوسۋ بارىسىندا ءبىراز وي-پىكىرلەر ورتاعا تاستالدى. اقىن-جازۋشىلارىمىز, قولىنا قالام ۇستاعان ازاماتتارىمىز قاشاندا ۇلت رۋحانياتىنىڭ دامۋىنا قوماقتى ۇلەس قوسىپ, ەلدىك پەن ەرلىكتى, تاتۋلىق پەن بىرلىكتى دارىپتەپ مەملەكەت مارتەبەسىن اسقاقتاتىپ ءجۇر دەپ ايتا الامىز, – دەيدى م. اۋەزوۆ مۇراجاي-ءۇيىنىڭ قىزمەتكەرى ەرمەك حانكەي. سونداي-اق, اتالعان شارا جازۋشى, عالىم كەلىس راحىمجانوۆتىڭ 60 جىلدىق مەرەيتويىنا تۇسپا-تۇس كەلدى. «ورالۋ», «قالعۇتى», «قاناتتى جىلدار», ء«شيلى وزەن» سياقتى جيناقتارى وقىرمان قاۋىمنىڭ سۇيىسپەنشىلىگىنە بولەنگەن قارىمدى قالامگەردى ارىپتەس تۇستاستارى مەرەيلى كۇنىمەن قۇتتىقتادى. ۇلت رۋحانياتىنا قالتقىسىز قىزمەت ەتىپ جۇرگەن جازۋشىنىڭ عىلىم جولىنداعى تەرەڭ ىزدەنىستەرى جينالعاندار تاراپىنان جوعارى باعالاندى.
ارمان وكتيابر, «ەگەمەن قازاقستان»
الماتى