− بۇل كۇندەرى تەاترلاردىڭ كۇندەلىكتى ءومىرى ماسەلەسىن قاراپ جاتقان بيۋدجەتتىك كوميسسيا مۇشەلەرىندە سالاعا قاتىستى بىرقاتار سۇراقتار تۋىنداۋدا. ەلوردالىق تەاترلاردىڭ ماتەريالدىق-تەحنيكالىق بازاسىنان باستاپ شىعارماشىلىق دەڭگەيى, ونەر ۇجىمدارى مەن ارتىستەردىڭ حالىق اراسىنداعى تانىمالدىلىعى, جالپى العاندا ولاردىڭ قازاقستاندىق ساحنا ونەرىندەگى ورنى قانداي دەگەن ماسەلە الدىمىزدان شىقتى, –دەدى ەرمەك امانشاەۆ.
قالا اكىمىنىڭ ورىنباسارى ەلباسىنىڭ «بولاشاققا باعدار: رۋحاني جاڭعىرۋ» ماقالاسىنا توقتالىپ, وسى ورايدا ەلوردالىق تەاترلاردىڭ دا اتالمىش باعدارلاماعا ۇلەس قوسۋ كەرەكتىگىن ايتىپ ءوتتى. الدا كەلە جاتقان استانانىڭ 20 جىلدىق مەرەيتويىنا تەاترلار قازىردەن دايىندالۋ كەرەكتىگىن جەتكىزدى. قالالىق مادەنيەت, مۇراعاتتار جانە قۇجاتتاما باسقارماسىنىڭ تەاترلارمەن جۇمىسىن شيراتۋ قاجەتتىگىنە نازار اۋداردى. بۇل ورايدا «ەلوردا مادەنيەتى» باعدارلاماسى اياسىندا جۇزەگە اسۋى ءتيىس شارۋالارعا توقتالدى.
جيىندا م.گوركي اتىنداعى مەملەكەتتىك اكادەميالىق ورىس دراما تەاترىنىڭ ديرەكتورى ەركىن قاسەنوۆ, ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ديرەكتورى ايبولات سەكسەنباەۆ, «جاستار» تەاترىنىڭ ديرەكتورى ەرنار جۇماتاەۆ پەن كوركەمدىك جەتەكشىسى نۇرقانات جاقىپباي, «ناز» مەملەكەتتىك بي تەاترىنىڭ ديرەكتورى سۇلتان سرايىل, قۋىرشاقتار تەاترىنىڭ ديرەكتورى توعجان حاسانعاليەۆا تەاترلاردىڭ تىنىس-تىرشىلىگىمەن, تۇيتكىلدى ماسەلەلەرىمەن تانىستىردى.
ايگۇل سەيىل,
«ەگەمەن قازاقستان»