سايىستىڭ اشىلۋ سالتاناتىنان ءبىر كۇن بۇرىن وبلىس اكىمى دانيال احمەتوۆ وزبەكستان مەن ەلىمىزدىڭ ۇزدىك 30 ۆەلوشاباندوزىمەن بىرگە 25 شاقىرىمعا جۋىق جەردى ءجۇرىپ ءوتتى. سپورتتى جاستايىنان جانىنا سەرىك ەتەتىن, ءوزى دە ۆەلوسيپەد تەپكەندى ءتاۋىر كورەتىن ايماق باسشىسى شىعىس قازاقستان توپىراعىندا وسىمەن 17-ءىنشى مارتە جالاۋى جەلبىرەگەن كوپكۇندىكتىڭ بەرەرى كوپ ەكەندىگىن ايتادى. «قازاقستان وقۋشىسى-2017» ۆەلوجارىسىنىڭ ماڭىزى زور. مۇنداي سايىستار جاس ۇرپاقتىڭ شىمىر, دەنىنىڭ ساۋ بولىپ وسۋىنە ۇلكەن اسەرىن تيگىزەدى. بۇل جارىسقا كەزىندە ءوزىم دە بىرنەشە مارتە قاتىسقانمىن, قازىر مىنە بالعىن سپورتشىلارمەن بىرگە بىرنەشە شاقىرىمدى باسىپ ءوتتىم. وزبەكستان كومانداسىنىڭ دا قاتىسىپ جاتقانىنا بەك قۋانىشتىمىز. ءدۇبىرلى دودادا بارلىق ۆەلوشاباندوزدارعا تەك ساتتىلىك تىلەيمىن», - دەيدى د.احمەتوۆ.
ايتا كەتەيىك, حالىقارالىق دەڭگەيدەگى كوپكۇندىك 13 تامىزعا دەيىن جالعاسادى. سايىسقا 130-عا جۋىق سپورتشى قاتىسىپ جاتىر.
ازامات قاسىم,
«ەگەمەن قازاقستان»
وسكەمەن