سالتاناتتى ءراسىم بارىسىندا ق.ءابدىراحمانوۆتىڭ يراننىڭ جاڭادان سايلانعان پرەزيدەنتىمەن كەزدەسۋى بولدى.
ء«سىزدى قازاقستان پرەزيدەنتى نۇرسۇلتان نازارباەۆتىڭ اتىنان قۇتتىقتاۋ مەن ءۇشىن ۇلكەن قۇرمەت. سوڭعى جىلدار ىشىندە ءسىز قازاقستان باسشىسىمەن بىرلەسىپ ەكىجاقتى قاتىناستاردى ستراتەگيالىق ىنتىماقتاستىق دەڭگەيىنە كوتەردىڭىزدەر», - دەدى ق. ءابدىراحمانوۆ.
سونىمەن قاتار مينيستر يران پرەزيدەنتىن 10-11 قىركۇيەكتە استانادا وتەتىن يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى ءبىرىنشى سامميتىنە جۇرگىزىلىپ جاتقان دايىندىق تۋرالى حاباردار ەتتى جانە قازاقستان پرەزيدەنتىنىڭ بۇكىل يسلام الەمى ءۇشىن ماڭىزدى وسى ءىس-شاراعا قاتىسۋعا شاقىرۋىن جەتكىزدى.
ءوز كەزەگىندە يران پرەزيدەنتى دە ەكى ەلدىڭ دامۋ ۇستىندەگى ىنتىماقتاستىعىن اسا ريزاشىلىقپەن اتاپ ءوتتى, - دەلىنگەن حابارلامادا.