بۇگىن ەسكى شاھار ورنىنا وبلىس əكىمىنىڭ ورىنباسارى Əلىبەك نəۋتيەۆ بارىپ, جاسالىپ جاتقان جۇمىستارمەن تانىستى.
-ارحەولوگيالىق جۇمىستار «بولاشاققا باعدار: رۋحاني جاڭعىرۋ» باعدارلاماسىن جۇزەگە اسىرۋ اياسىندا جۇرگىزىلۋدە,- دەيدى Ə.نəۋتيەۆ. – XIV عاسىردىڭ قالاشىعى وبلىس ورتالىعىنا جاقىن ماڭنان تابىلدى, بۇل تاريحتى جاڭاشا زەردەلەۋگە جول اشادى. مەملەكەت باسشىسى ماقالاسىندا كيەلى جەرلەردىڭ قازاقستان حالقى ءۇشىن ماڭىزدىلىعىن, ونىمەن تانىسۋ وسكەلەڭ ۇرپاقتىڭ بابالار جۇرگەن جولدى بىلۋىنە مۇمكىندىك بەرەتىنىن ايتقان ەدى.
كونە قالاشىقتىڭ اۋدانى 200×80 م, مəدەني قاباتى جاقسى ساقتالعان. بۇگىندە وبلىستىق مۋزەي قورىندا قالاشىقتان تابىلعان 500-دەن استام جəدىگەر بار. قالاشىقتا سۋمەن قامتۋ جۇيەسى دامىعان, سول ارقىلى باۋ-باقشا وسىرىلگەن. مəدەني قاباتى جانۋارلار مەن بالىقتاردىڭ سۇيەكتەرىنەن, كەراميكا قالدىقتارىنان تۇرادى. بۇل قالا تۇرعىندارىنىڭ مال جəنە بالىق شارۋاشىلىقتارىمەن اينالىسقانىن كورسەتەدى.
قازبا ورنىنان قۇيما ءپىشىنى, كەراميكا, مونشاق, جۇزىك, بىلەزىك, زەرگەرلىك ونىمدەردىڭ قالدىقتارى تابىلعان. ارحەولوگتار التىن وردا قالالارىنىڭ كۇمىس, مىس تيىندارىن دا توپىراق استىنان ارشىپ الدى.
اتىراۋ وبلىسىندا «بولاشاققا باعدار: رۋحاني جاڭعىرۋ» باعدارلاماسىن جۇزەگە اسىرۋ ماقساتىندا ۇيلەستىرۋ ورتالىعى اشىلدى. جوبالىق كەڭسە باعدارلامانىڭ «تۋعان جەر», «كيەلى جەرلەر گەوگرافياسى», «100 جاڭا ەسىم» باعىتتارىن ىسكە اسىرادى. ورتالىق قۇرامىنا مەملەكەتتىك ورگاندار, مəدەنيەت پەن ءبىلىم سالالارىنىڭ وكىلدەرى كىرگەن.