قالالىق ءبىلىم باسقارماسى قازاقستاندىق مەكتەپكە دەيىنگى ۇيىمدار قاۋىمداستىعىمەن بىرلەسىپ ۇيىمداستىرعان ءىس-شارادا الەۋمەتتىك ماڭىزى مول جوبامەن اينالىسۋعا قىزىعۋشىلىق تانىتقان كاسىپكەرلەرگە تەگىن كونسۋلتاتسيا بەرىلدى.
وقۋشىلار سارايىندا ورىن العان شارا مۇددەلى تۇلعالاردىڭ بارلىعىن ءبىر جەردە جينادى. ولار مەكتەپكە دەيىنگى مەكەمەنى اشۋعا نيەت بىلدىرگەن كاسىپكەرلەر, جەكەمەنشىك بالاباقشانى اشۋدىڭ ءساتتى تاجىريبەسى بار بىلىكتى مەكەمە باسشىلارى جانە وسىنداي مەكەمەنى اشۋدىڭ ءتارتىبى, وعان مەملەكەتتىك ءبىلىم بەرۋ تاپسىرىسىن ورنالاستىرۋ تۋرالى قاجەتتى اقپارات ۇسىنۋعا دايىن بولعان مەملەكەتتىك قۇرىلىم وكىلدەرى.
قازىر استانالىق بالاباقشاعا 47 مىڭعا جۋىق بالا بارادى. ولاردىڭ 27 193-ءى مەملەكەتتىك, 14 854-ءى جەكە باقشاعا بارادى. شامامەن 5 مىڭ ءبۇلدىرشىن شاعىن ورتالىققا جانە مەكتەپكە دەيىنگى مەكەمەلەرگە (مەكتەپكە دايارلىق ورتالىقتارى) بارادى. كۇن سايىن جەكە باقشاعا جولداما الاتىن بۇلدىرشىندەردىڭ سانى ارتۋدا.
ەلوردالىق بۇلدىرشىندەردى مەكتەپكە دەيىنگى دايىندىقپەن 100% قامتاماسىز ەتۋ ماقساتىندا, جەكەمەنشىك سەكتورمەن تىعىز جۇمىس جۇرگىزىلۋدە. 2016 جىلى مەملەكەتتىك تاپسىرىسى بار 4 000 ورىندا قامتيتىن 44 جەكە بالاباقشا اشىلىپ, بۇگىنگى تاڭدا قىزمەت جاساۋدا. وسى جىلى ءبىلىم باسقارماسىنا كاسىپكەرلەر تاراپىنان 5 مىڭنان استام ورىندى قامتاماسىز ەتەتىن جەكەمەنشىك بالاباقشالارعا تاپسىرىس بەرىلگەن. بۇل ساندى كوبەيتۋ كوزدەلىپ وتىر.
2017 جىلى 480 ورىندىق 2 مەملەكەتتىك بالاباقشا جانە ۇلتتىق كومپانيالار قول قويعان مەموراندۋم اياسىندا 720 ورىندىق ءۇش بالاباقشانى تاپسىرۋ جوسپارلانعان, سونداي-اق بالاباقشالار قۇرىلىسى بويىنشا جەكەمەنشىك سەرىكتەستەردى انىقتاۋ كونكۋرسى وتكىزىلدى. قازىرگى تاڭدا مەملەكەتتىك-جەكەمەنشىك ارىپتەستىك شەڭبەرىندە 2019 جىلى 1 680 ورىندى قامتيتىن 6 بالاباقشانىڭ جوباسى جۇزەگە اسىرىلۋدا.