ادەتتەگىدەي, ۇلتتىق كۇن قازاقستان مەن لەسوتونىڭ مەملەكەتتىك تۋلارى كوتەرىلىپ, ءانۇراندارى ورىندالۋىمەن باستالدى. وسىدان كەيىن ساحنا تورىنە كوتەرىلگەن قازاقستان اقپارات جانە كوممۋنيكاتسيالار ۆيتسە-ءمينيسترى قايرات بالىقباەۆ افريكالىق قوناقتاردى قۇتتىقتادى.
«لەسوتو - بۇل «اسپان كورولدىگى». افريكادا تاۋلى ايماقتا ورنالاسقان جالعىز مەملەكەت سانالادى. بۇكىل الەم تۋريستەرىن بۇل ەلدىڭ كوركەم تاۋلى شاتقالدارى, كوز تارتارلىق سارقىرامالارى, بالىق اۋلاۋ دەمالىسى قىزىقتىرادى», - دەدى ۆيتسە-مينيستر.
«لەسوتو كورولدىگى ۇكىمەتىنىڭ جانە ءوز اتىمنان «استانا ەكسپو-2017» حالىقارالىق مامانداندىرىلعان كورمەسىنە قاتىسۋ مۇمكىندىگىن بەرگەن قازاقستان ۇكىمەتىنە شىنايى ريزشىلىعىمدى بىلدىرەمىن. بىزگە كورسەتىلگەن ماتەريالدىق-تەحنيكالىق قولداۋدىڭ ارقاسىندا لەسوتو الەم حالىقتارىنا ەنەرگەتيكالىق سەكتورداعى يننوۆاتسيالىق مۇمكىندىكتەرىن, سونىمەن قاتار «اسپان كورولدىگىنىڭ» ادەمىلىگى مەن كورىكتى ورىندارىن كورسەتۋگە مۇمكىندىك الىپ وتىر», - دەدى ءوز كەزەگىندە لەسوتو كورولدىگىنىڭ ساۋدا جانە ونەركاسىپ ءمينيسترى تەفو ماپەسەلا.
سونىمەن قاتار ول ەكسپو قوناقتارىن «اسپان كورولدىگىنە» تۋريستىك ساپارمەن كەلۋگە شاقىردى.
«سىزدەر وندا 5 جۇلدىزدى قوناق ۇيگە نەمەسە تۋريستەرگە ارنالعان جايلارعا ورنالاسا الاسىزدار. بازوتو اسەرلى تابيعي كورىنىستەرىمەن, مادەني جانە تابيعي مۇرالارىمەن تانىمال. ءبىز سەسوتوعا قوسىمشا اعىلشىن تىلىندە دە سويلەيمىز.تۋريستىك كورىكتى جەرلەردە اتپەن سەرۋەندەۋگە, قۇستاردى باقىلاپ, بالىق اۋلاۋعا,شاڭعىمەن سىرعاناپ, تاۋلى ايماقتارعا سەرۋەندەۋگە بولادى», - دەدى ول.
مۇنان بولەك افريكالىق مەيمان قازىرگى ۋاقىتتا لەسوتو تاۋ-كەن قازبا ونەركاسىبىندە الماس وندىرۋدەن الەمدە 9-شى ورىندا تۇرعانىن, بيىلعى ماقساتى 7-ورىنعا كوتەرىلۋ ەكەندىگىن باسا ايتتى.
ء«بىز الەمدە جوعارى باعالاناتىن ۇزدىك, ەڭ ۇلكەن, ساپالى الماستاردىڭ ءبىرىن وندىرەمىز. لەسوتودا وندىرىلگەن الماستاردىڭ ىرىلەرى دە بار. ولاردىڭ ىشىندە لەسوتو ۋادەسى 603 كارات, براۋن لەسوتو 601كارات, لەسوتو مۇراسى 493 كارات جانە لەسەلي لا لەتسەنگ 478 كاراتتى قۇرايدى. لەسوتو الماستارىنىڭ 1 كاراتىنىڭ قۇنى دا جوعارى. ول ورتاشا ەسەپپەن العاندا 2500 دوللارعا تەڭ», - دەدى تەفو ماپەسەلا.
لەسوتو ۇلتتىق كۇنىنىڭ رەسمي اشىلۋ راسىمىمەن كەيىن افريكالىق ارتىستەر باياننىڭ سۇيەمەلدەۋىمەن ءان سالىپ, وزدەرىنىڭ ۇلتتىق بيلەرىن بيلەدى.