اقش-تىڭ كاليفورنيا شتاتىندا «Jiu-Jitsu world League» دجيۋ-دجيتسۋدان الەم چەمپيوناتى ءوتتى.
بايراقتى باسەكەدە ەل نامىسىن «Kazakhstan Top Team» كلۋبىنىڭ سپورتشىسى مۇحامەديار قۇدايقۇلوۆ قورعاپ, جەڭىس تۇعىرىنان كورىندى, دەپ حابارلايدى قازاقپارات.
اقپاراتتىق جانە سپورتتىق حاب مالىمەتىنشە, مۇحامەديار 72 كەلى سالماقتا, «سارى بەلبەۋ» ساناتىندا 2002-2003 جىلدار ارالىعىنداعى جاسوسپىرىمدەر اراسىندا جارىس جولىنا شىقتى.
ەستەرىڭىزگە سالا كەتسەك, مۇحامەديار 15 شىلدەدە الماتىدا وتكەن Arlan Grip Selection Kids ءتۋرنيرىنىڭ كۇمىس جۇلدەگەرى اتانعان بولاتىن. قازىرگى تاڭدا, قازاقستاندا دجيۋ-دجيتسۋ قارقىندى دامىپ كەلەدى.
سونىمەن قاتار, ەرەسەكتەر مەن بالالار, ءتىپتى ارۋلاردىڭ دا بۇل سپورت تۇرىنە قىزىعۋشىلىعىن اتاپ وتۋگە بولادى. قازاقستاندا وتەتىن جارىستارعا باق سىنايتىن قاتىسۋشىلاردىڭ سانى دا جىل ساناپ ارتىپ كەلەدى.