قالالىق دوستىق ءۇيىنىڭ ديرەكتورى بەرىك كوپباەۆتىڭ ايتۋىنشا, ولار ەڭ الدىمەن ءتۇرلى ەتنومادەني بىرلەستىكتەردىڭ وكىلدەرىن ەكسپو-2017 كورمەسىنە بارۋ ءۇشىن تەگىن بيلەتتەرمەن قامتاماسىز ەتىپتى. ال «ايشا ءبيبى» ۇلتتىق مادەني ورتالىعى وزدەرىنىڭ قولونەر تۋىندىلارىن ەتنواۋىلدا ۇسىنىپ, ۇلتتىق بۇيىمدارىن شەتەلدىك قوناقتار تاماشالاۋدا ەكەن. – ەلوردامىز استانا ەلىمىزدىڭ جۇرەگى, حالقىمىزدىڭ سيمۆولى, –دەيدى بەرىك كوپباەۆ, – وتباسى قۇندىلىعى مەن ۇلتتار اراسىنداعى اۋىزبىرلىك – بۇگىنگى قازاقستان قوعامىنىڭ ەڭ باستى بايلىعى. بىزدەگى نەمىس, كورەي, ورىس جانە وزبەك, تاتار اعايىنداردىڭ بارلىعى ەكسپو-2017 كورمەسىن تاماشالاعاندىقتارىنا ريزا بولىپ وتىر. سەمەيدەگى تالاي ۇلتتىڭ ورتاق ۇياسىنا اينالعان دوستىق ۇيىندە قۇرىلعان قوعامدىق كەلىسىم كەڭەسىنىڭ جۇمىس ىستەگەنىنە دە نەبارى 2 جىل. ۇلتتار اراسىنداعى بىرلىك, اتا ءداستۇر, ءتىل مەن مادەنيەتتىڭ ساقتالۋىن, قوعامدىق كەلىسىمدى جاقتايتىن كەڭەس كۇنى بۇگىنگە دەيىن ءوز ارالارىندا 12 وتىرىس وتكىزدى. وزبەكتىڭ الەۋمەتتىك-مادەني «بۋيۋك كەلە جاق» ەتنوورتالىعى جەتەكشىلەرى روزا حاكيموۆامەن بىرگە كورمەنى تاماشالاپ قانا قويماي, سول كۇنى وزبەكستان ەلشىلىگىمەن دە كەزدەسكەن ەكەن. شىعىس قازاقستان وبلىسىندا 1051 وزبەك اعايىن بار ەكەن. ءتۇرلى ۇلتتىق سىيلىقتارىن ەلشىلىكتەگىلەر سەمەيلىك وزبەكتەرگە سىيعا تارتىپتى. الداعى ۋاقىتتا قازاقستانداعى وزبەك ورتالىقتارىمەن وزبەكستان ۇكىمەتى تىعىز قارىم-قاتىناس ورناتپاقشى.وسىنىڭ ءبارى كەڭ-بايتاق قازاق دالاسىن مەكەندەگەن وزگە ۇلتتارعا دەگەن قۇرمەت دەپ بىلەمىن, دەيدى روزا حاكيموۆا.
راۋشان نۇعمانبەك
سەمەي
سۋرەتتى تۇسىرگەن اۆتور