اۋىل شارۋاشىلىعى ەكسپورتقا دەن قويدى

اتالعان ءباسپاسوز ءماسليحاتىنا اۋىل شارۋاشىلىعى مينيستر­لىگىنىڭ ۆەتەرينارلىق باقىلاۋ جانە قاداعالاۋ كوميتەتى توراعا­سى­نىڭ ورىنباسارى ولجاس اۋسا­باەۆ, اگروونەركاسىپتىك كە­شەن­دەگى مەملەكەتتىك ينسپەكتسيا كوميتەتىنىڭ توراعاسى ەرجان اينا­بەكوۆ جانە ءىىم اكىمشىلىك پوليتسيا كوميتەتىنىڭ جول قوزعا­لى­سىن قامتاماسىز ەتۋ سالاسىن ۇيلەستىرۋ ءبولىمىنىڭ باسشىسى عاني يساباەۆ قاتىستى. جيىندا ۆيتسە-مينيستر گ.يساە­ۆا بيىلدان باستاپ ەكس­پورت­تىق سايا­سات الەۋەتى نارىق­تار­عا اوك ونىم­دەرىن ماقساتتى ىل­گە­رىلەتۋ نەگىزىندە قۇرىلاتىنىن اتاپ ءوتتى. سونى­مەن قاتار, «ازىق-ت ۇلىك كەلىسىم­شارت» اق-تىڭ مەن­شىكتى قارا­جاتى نەگىزىندە اوك-ءتىڭ ەكسپورت­تىق ورتالىعى قۇرى­لاتىنىن جەت­كىزدى. بۇل رەتتە, قازاق­ستان­دىق ونىمدەردىڭ ەكس­پورت­تىق الەۋەتىن ىلگەرىلەتۋ ءۇشىن باسقا ەلدەر­مەن كەلىسسوزدەر جۇر­گىزۋگە حالىق­ارالىق ۇيىم مار­تەبەسىن يەلەنۋ ماڭىزدى بولىپ وتىر.  اتالعان ەكسپورتتىق ورتا­لىق «KazakhExport» جانە «KazakhInvest» اكتسيونەرلىك قوعام­دارىمەن, سونداي-اق, قازاقستانداعى شەتەل ديپلو­ما­تيا­لىق وكىلدەرى ارقىلى تى­عىز ىنتىماقتاستىقتا ارەكەت ەتە­تىن بولادى. ورتالىق سىرتقى نا­رىق­تارعا تالداۋ جۇرگىزىپ, دا­مىعان ەلدەر ءۇشىن ونىمدەردى جىل­جىتۋدىڭ جول كارتاسىن قۇرۋ, ونىمد­ەردى ەكسپورتتاۋ سالاسىندا كەڭەستەر بەرىپ, كەلىسىمشارتتار جاساسۋ جانە اۋىلشارۋاشىلىق تاۋار وندىرۋشىلەرىنەن ءونىمدى «فورۆاردتىق» تاسىلمەن ساتىپ الۋ جۇمىستارىمەن اينالىسپاق. سونىمەن قاتار, ورتالىق اۋىل­­شارۋاشىلىق ونىمدەرىن ساق­تان­دىرۋدى قامتاماسىز ەتە وتىرىپ, نەگىزگى برەندتەردى, سونىڭ ىشىندە «KZ Organic Food» برەندىن العا جىلجىتپاق.  قازىرگى ۋاقىتتا قىتاي, يران, ءباا, يزرايل, ساۋد ارابياسى جانە ت.ب. ەلدەرگە ەكسپورتتالا­تىن تاۋارلاردىڭ كولەمىن ارت­تىرۋ بويىنشا جۇمىستار جۇر­گىزىلىپ جاتىر. بۇل ەلدەرمەن اۋىلشارۋاشىلىق ونىمدەرىنە قوي­ىلاتىن فيتوسانيتارلىق جا­نە ۆەتەرينارلىق تالاپتار كەلى­سىلۋدە, تاسىمالدانۋ باجىن تومەندەتۋ جونىندە كەلىسسوزدەر جۇر­گىزىلۋدە. مىسالى, قحر ءتور­- ا­عاسى سي ءتسزينپيننىڭ قازاقستان­عا رەسمي ساپارى كەزىندە قازاقستان­نان قىتايعا تاسىمالداناتىن مۇز­داتىلعان قوي ەتىنە قويىلاتىن تالاپ­تاردىڭ حاتتاماسىنا قول قويىلدى.  سونداي-اق, قازاقستاننان قىتايعا جانە ءباا-گە تاسىمال­داناتىن مۇزداتىلعان قوي ەتىنىڭ ۆەتەرينارلىق سەرتيفيكاتىنا قول قويۋ جۇمىستارى جۇرگىزىلۋدە ەكەن. ال يرانعا ەكسپورتتالاتىن قوي, مۇزداتىلعان جانە سالقىنداتىلعان قوي ەتىن تاسىمالداۋ بويىنشا ۆەتەرينارلىق تالاپتار كەلىسىلگەن. ال يزرايلگە قوي تاسىمالداۋ بويىنشا وسى ەلدىڭ قۇزىرەتتى مەكەمەسىنە حات جولدانىپتى. سونىمەن قاتار, 2017 جىلعى 25 مامىردا حالىقارالىق ەپيزووتيكالىق بيۋروعا مۇشە ەلدەردىڭ باس اسسامبلەياسىنىڭ 85-سەسسياسىندا ەلىمىزدىڭ 5 ايماعى – الماتى, شىعىس قازاقستان, جامبىل, قىزىلوردا جانە وڭتۇستىك قازاقستان وبلىستارى اۋسىلدان ۆا­ك- تسيناتسيالانعان تازا ايماق مار­تەبەسىن الدى. بۇدان بولەك, قازاقستاننىڭ 9 ايماعى 2015 جى­لى اۋسىلدان تازا ايماق جانە اۋ­سىلدى باقىلاۋ جونىندەگى ۇلت­تىق باعدارلاما نەگىزىندە جىل­قىلاردىڭ افريكالىق وبا اۋرۋىنان بوساتىلۋ جونىندەگى مار­تەبەسىن العان بولاتىن. وسى­لايشا, قازاقستاننىڭ بارلىق اۋماعى اۋسىلدان بوساتىلعان اي­ماق مارتەبەسىنە يە. بۇل ەلى­مىزگە دۇنيەجۇزىلىك ساۋدا ۇيى­مى­نا مۇشە ەلدەرگە مال جانە وسىمدىك شارۋاشىلىعى ونىمدەرىن ەكسپورتتاۋعا, اگروونەركاسىپتىك كەشە­ننىڭ ەكسپورتتىق الەۋەتىن جو­عارىلاتۋعا جانە قازاقستاننىڭ ەكونوميكالىق تۇرعىدان دامۋىنا وڭ اسەرىن تيگىزەدى.  ال قىتاي حالىق رەسپۋبليكا­سى­نا تاسىمالداناتىن وسىمدىك شا­رۋا­شىلىعى ونىمدەرىنە ەشقان­داي شەكتەۋ جوق. ناقتى ءبىر تاسى­مالداناتىن ءونىم تۇرلەرىنە في­تو­سانيتارلىق تالاپتاردى انىق­تاۋ ءۇشىن مينيسترلىك ارنايى جۇمىستار جۇرگىزۋدە. سونداي-اق, بيدايدىڭ, سويا بۇرشاعى مەن بيداي كەبەگى پارتيالارىن ەكسپورتتاۋ جونىندە حاتتاماعا قول قويىلعان. جۋىردا جوڭىشقا مەن وسىمدىك شارۋاشىلىعى ونىم­دە­رى­نىڭ 31 ءتۇرىن تاسىمالداۋ بويىنشا حاتتاماعا قول قويىلادى دەپ كۇتىلۋدە.  قولعا الىنعان شارالاردىڭ ءبارى ەلىمىزدىڭ اگروونەركاسىپتىك كەشەنىن دامىتۋدىڭ 2017-2021 جىلدارعا ارنالعان مەملەكەتتىك باع­دارلاماسىنىڭ نەگىزىندە ىسكە اسى­رىلىپ جاتىر. بۇل وتان­دىق اۋىلشارۋاشىلىق تاۋار وندىرۋشىلەرىنە جاڭا مۇم­كىن­دىكتەر اشپاق.  دينارا بىتىك, «ەگەمەن قازاقستان»