كورمەگە قازاق دالاسىنداعى وركەنيەتتىڭ دامۋىن پاش ەتەتىن 136 مۋزەيلىك جادىگەر قويىلعان. كورەرمەندەر الەمدىك وركەنيەتتە وزىندىك ۇلەسى بار, ۇلى جىبەك جولى بويىنداعى وتىرار وڭىرىنەن, وتىرار قالاسى ورنىنان قازىلىپ الىنعان بۇيىمداردى, مايشامدار مەن داستارقان (ب.ز. XI-XII عع.), قىتاي فارفورىن, تەمىردەن جاسالعان ەڭبەك قۇرالدارىن, كۇمىس جانە مىس تەڭگەلەردى, كىرپىشتەر مەن كوركەم كىرپىشتەردى ەرەكشە قىزىقتادى.
كورمەدەگى جانۋارلار بەينەلەنگەن بويتۇمارلار, اسىرەسە قوي, يت, جىلقى مۇسىندەرى, التىن جالاتىلعان كەمەر بەلدىك, سىرعا, جۇزىك, شولپىلار سەكىلدى زەرگەرلىك بىرەگەيلىگىمەن ەرەكشەلەنەدى. قوستانايلىق كورەرمەندەر نازارىن وتىراردىڭ كەيىنگى دامۋ كەزەڭىنە – ءحVىى عاسىرعا ءتان, ازىق-ت ۇلىك ساقتاۋعا جانە سۋ تاسىمالداۋعا ارنالعان ىدىستار, قىش بۇيىمدارى دا ەرەكشە نازار اۋداردى. كەڭ كولەمدە كورسەتىلگەن وتىرار قىش ىدىستارى ماتەريالىنىڭ بەرىك ءارى ءتۇر-ءتۇسى جاقسى ساقتالعاندىعىمەن تاڭعالدىرادى. وتىرار كورمەسى وسىعان دەيىن قازاقستاننىڭ توعىز قالاسىن ارالاپتى. قوستانايلىقتار ەندى ونى ءبىر ايداي تاماشالايتىن بولادى.
ءنازيرا جارىمبەت, «ەگەمەن قازاقستان»
قوستاناي