مەملەكەت باسشىسى كورەيا رەسپۋبليكاسىنىڭ بۇرىنعى پرەزيدەنتى لي مەن باكپەن كەزدەستى. بۇل تۋرالى akorda.kz xابارلادى.
نۇرسۇلتان نازارباەۆ كورەيا رەسپۋبليكاسىنىڭ بۇرىنعى پرەزيدەنتى قازاقستانعا كەلىپ وتىرعانىنا قۋانىشتى ەكەنىن ايتىپ, وعان «ەكسپو-2017» حالىقارالىق كورمەسىندە كورەيا رەسپۋبليكاسى پاۆيلونىنىڭ اشىلۋ راسىمىنە قاتىسقانى ءۇشىن ريزاشىلىق ءبىلدىردى.
– ءسىز كورەيا رەسپۋبليكاسىنىڭ پرەزيدەنتى بولعان كەزدە ەلدەرىمىزدىڭ ىنتىماقتاستىعى ستراتەگيالىق دەڭگەيگە كوتەرىلدى. سول ناتيجەگە قول جەتكىزۋ ءۇشىن كوپ جۇمىس اتقارىلدى, – دەدى قازاقستان پرەزيدەنتى.
اڭگىمەلەسۋ بارىسىندا تاراپتار قازاقستان مەن كورەيا قارىم-قاتىناستارىن ودان ءارى دامىتۋدىڭ ماسەلەلەرىن قاراستىرىپ, ونىڭ اياسىن كەڭەيتۋ قاجەتتىگىن اتاپ ءوتتى.