وڭتۇستىك قازاقستان وبلىسىنىڭ اكىمى جانسەيىت تۇيمەباەۆتىڭ تاپسىرماسىمەن قالا ورتالىعىنىڭ ينۆەستيتسيالىق تارتىمدىلىعىن ارتتىرۋ جانە تۇرعىندار مەن قوناقتارعا قولايلى ءومىر سۇرۋگە جاعداي جاساۋ, سانيتارلىق احۋالىن جاقسارتۋ باستى نازارعا الىنعان بولاتىن. اتالعان تاپسىرمالاردىڭ ورىندالۋ بارىسى وبلىس اكىمدىگىندە وتكەن جيىندا تاعى ءبىر پىسىقتالىپ, ءتيىستى سالا باسشىلارىنا ناقتى تاپسىرمالار جۇكتەلدى.
وبلىس باسشىسىنىڭ شىمكەنت قالاسىنىڭ ءارى قاراي دامۋىن قامتاماسىز ەتۋ بويىنشا بەرگەن تاپسىرمالارىنىڭ ورىندالۋ بارىسى جونىندە وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسى مارعۇلان مارايىم باياندادى.
ايتا كەتەيىك, بۇگىندە شىمكەنت قالاسىندا كوپقاباتتى تۇرعىن ءۇي قورىن كۇتىپ ۇستاۋ, ءۇي تۇرعىندارىنا قولايلى جاعدايلار جاساۋ وزەكتى ماسەلەلەردىڭ ءبىرى. شىمقالاداعى كوپقاباتتى تۇرعىن ۇيلەردىڭ باسىم كوپشىلىگى 1930-1990 جىلدار ارالىعىندا پايدالانۋعا تاپسىرىلۋىنا بايلانىستى ولاردىڭ توزۋ دەڭگەيى جوعارى بولىپ وتىر. باسقارما باسشىسى كوپقاباتتى ۇيلەردى كوندومينيۋم رەتىندە تىركەۋ, باسقارۋ ورگانىن قۇرۋ, كۇتىپ ۇستاۋ, ساقتاۋ جاعدايىن ءسوز ەتتى.
«وڭىرلەردى دامىتۋدىڭ 2020 جىلعا دەيىنگى باعدارلاماسى اياسىندا شىمكەنت قالاسىندا بيىل 67 كوپقاباتتى تۇرعىن ءۇيدى كۇردەلى جوندەۋدەن وتكىزۋ جوسپارلانۋدا. قالا اكىمدىگى تاراپىنان 21 ءۇيدىڭ جوبالاۋ سمەتالىق قۇجاتتاماسى دايىندالىپ, وبلىستىق بيۋدجەتتەن 229,6 ملن. تەڭگە قاراستىرىلدى», - دەدى مارعۇلان مارايىم.
باسقارما باسشىسى شىمكەنت قالاسى بويىنشا 1992 كوپقاباتتى تۇرعىن ءۇيدىڭ 293-ءىن ادىلەت ورگاندارىنا تىركەۋدى قاداعالاپ, ۇيىمداستىرۋ جۇمىستارىن باسشىلىققا الۋدى ۇسىندى.
«كوپقاباتتى تۇرعىن ۇيلەردى كۇتىپ ۇستاۋ ماقساتىندا پاتەر يەلەرىنىڭ كەلىسىمىمەن كوندومينيۋم وبەكتىسىنىڭ باسقارۋ ورگانى نەمەسە پاتەر يەلەرىنىڭ كووپەراتيۆتەرى قۇرىلۋى قاجەت. بۇگىنگى كۇنگە 1120 ۇيگە 17 باسقارۋشى كومپانيالار قىزمەت كورسەتۋدە. بۇل ءالى دە از. سوندىقتان وسى سالاداعى جۇمىستاردى جانداندىرۋ كەرەك. سونداي-اق قالانىڭ قىسقى جىلىتۋ ماۋسىمىنا دايارلىعىنا ازىردەن باستاپ كىرىسكە ابزال», - دەدى وبلىس اكىمى ج. تۇيمەباەۆ.
جيىن بارىسىندا تۇرعىن ءۇي, سانيتارلىق تازالىق, كورىكتەندىرۋ, تابيعي گاز پايدالانۋ, ساپالى ەلەكتر ەنەرگياسى, اۋىز سۋ, كاناليزاتسيا, جىلۋمەن قامتاماسىز ەتۋدەگى جۇمىستاردىڭ بارىسى دا نازاردان تىس قالعان جوق. تۇرعىن ۇيلەردى كۇتىپ ۇستاۋ ءۇشىن سەرۆيستىك جانە باسقارۋ كومپانيالارىن قۇرۋ جايى دا ءسوز بولدى. جىل باسىندا قالادا بار جوعى 9 سەرۆيستىك كومپانيالار بولسا, بۇگىنگى كۇنگە ولاردىڭ سانى 17 جەتىپ, 1120 كوپقاباتتى تۇرعىن ۇيلەردى قامتىپ وتىر.