بەلارۋستىڭ ۆيتەبسك قالاسىندا وتكەن «سلاۆيان بازارى» حالىقارالىق ونەر فەستيۆالىنىڭ جابىلۋ سالتاناتىندا قازاقستاندىق ءانشى ديماش قۇدايبەرگەن قۇرمەتتى قوناق رەتىندە «اداجيو» ءانىن ورىندادى.
ديماش وزىنە وسىنداي مۇمكىندىك تۋعىزعان فەستيۆال ۇيىمداستىرۋشىلارىنا ءوز العىسىن ءبىلدىردى.
ايتا كەتەيىك, «سلاۆيان بازارى» فەستيۆالىنە بيىل قازاقستان اتىنان ايگەرىم (Ayree) راقىشەۆا ونەر كورسەتىپ جاتىر. بايقاۋدىڭ ەكى كەزەڭىنىڭ قورتىندىسى بويىنشا ۋكراينالىق ءانشى ۆلاد سىتنيك جانە بەلورۋس ءانشىسى ەگورا شارانكوۆا 151 بالدان يەلەنىپ, العا شىقتى.
وسىعان دەيىن قازاقستان اتىنان اليشەر كاريموۆ, مارحابا ءسابي, دينارا سۇلتان, بەردىبەك قۇلعاراەۆ قاتىسقان. ال 2015 جىلى ديماش بايقاۋدىڭ باس جۇلدەسىن جەڭىپ العان بولاتىن.