بۇل ۇيلەر جاڭا تەحنولوگيامەن قىسقا مەرزىمدە تۇرعىزىلادى. تاۋن-حاۋس ۇيلەردىڭ بىرەۋىندە 24 پاتەر بولادى. زاماناۋي باسپانا مەملەكەتتىك باعدارلاما بويىنشا بانك ارقىلى نەسيەگە بەرىلەدى. 2017-2018 جىلدارى وسىنداي 60 تۇرعىن ءۇي سالىنۋى ءتيىس بولسا, ونىڭ 22-ءسى بيىل تاپسىرىلادى. ياعني, ءۇي كەزەگىندە تۇرعان 800 ادام باسپانالى بولادى. جالپى بيىل وبلىستا 650 مىڭ شارشى مەتر تۇرعىن ءۇي سالىنىپ بىتەدى. جىل باسىنان بەرى 1500-دەن استام ءۇي پايدالانۋعا بەرىلدى. ودان بولەك كەزەكتە تۇرعان مىڭنان استام تۇرعىن وزدەرىنە تيەسىلى جەر تەلىمىن العان. تۇرعىن ءۇي قۇرىلىسى سالاسىن دامىتۋ ماقساتىندا ينجەنەرلىك جەلىلەر قۇرىلىسىنا 7,5 ملرد تەڭگە ءبولۋ جوسپارلانعان. بۇل قارجىعا گاز, سۋ, كارىز جانە ەلەكتر جەلىلەرى جۇرگىزىلەدى. بۇگىندە وبلىستا ءۇي كەزەگىندە 25 مىڭ ادام تۇرسا, جەر الۋعا 134 مىڭ تۇرعىن ءوتىنىش بەرگەن.
"قۇرىلىس ماتەريالدارىنىڭ 90%-ىنا ء«ۇي قۇرىلىسى كومبينات» ءوزى شىعارعان جەرگىلىكتى ماتەريالداردى پايدالانادى. تەك 10% سانتەحنيكا رەسەي فەدەرەاتسياسىنان, جاقىن جەردەن الىنىپ جاتىر. ەرەكشەلىگى, ءبىر ايدىڭ ىشىندە 3 قاباتتى 2 كىرەبەرىستى ۇيلەر اياقتالۋعا جاقىندادى", دەدى مەردىگەر كومپانيا ديرەكتورى اقنۇر اقمادي.