وسى ورايدا شاعىن جانە ورتا بيزنەسكە, اسىرەسە اۋىل شارۋاشىلىعىن دامىتۋعا ينۆەستيتسيا تارتۋ ءۇشىن الداعى جىلدارى ايماقتاردا جەمىس-جيدەك ساقتاۋ قويمالارىن سالۋ, جەمىس-جيدەك باقتارىن, سونىمەن قاتار وڭدەۋ كاسىپورىندارى مەن ارالاس ءوندىرىستى دامىتۋدا اۋقىمدى جۇمىستار اتقارىلاتىن بولادى.
وسى باعىتتا جامبىل وبلىسىنىڭ اكىمدىگى مەن «تاراز» الەۋمەتتىك-كاسىپكەرلىك كورپوراتسياسى» ۇلتتىق كومپانياسى» اكتسيونەرلىك قوعامى, سونداي-اق «اگرارلىق نەسيە كورپوراتسياسى» اراسىندا ىنتىماقتاستىق جونىندەگى مەموراندۋمعا قول قويىلدى.
بۇگىندە باۋ-باقشا شارۋاشىلىعىن دامىتۋ جوعارى مۋلتيپليكاتيۆتىك ناتيجەگە يە بولىپ وتىر. بۇل ءوز كەزەگىندە كونتەينەر جاساۋ, قاپتاۋ, تەحنيكانى قۇراستىرۋ, تامشىلاتىپ سۋارۋ جانە تاعى دا باسقا وندىرىستەر بويىنشا جوبالاردى قۇرۋعا مۇمكىندىك بەرەدى.
حاميت ەسامان, «ەگەمەن قازاقستان»