ەندى بارلىق وڭىرلەردە دامۋ بليتس تەحنولوگياسى بويىنشا مولشەرلەمەسى 8,5 پايىزدان اسپايتىن قارجىلاندىرۋ باعدارلامالارىنا ەنگىزىلەتىن بولادى.
«دامۋ بليتس» تەحنولوگياسى 2016 جىلى قاڭتار ايىندا الماتى مەن الماتى وبلىسىندا «بانك KassaNova» اق, «الفا بانك» اقجانە «بانك استانى» اق ارقىلى قاناتقاقتى جوبا رەتىندە ەنگىزىلگەن ەدى. بۇل – «جىلدام نەسيە» بەرۋدىڭ جاڭا تەحنولوگياسى. نەگىزىنەن وڭاي راسىمدەپ, 7 كۇنگە جەتپەيتىن ۋاقىت ىشىندە قارجىنى قولعا تيگىزەدى. بۇل تەحنولوگيا بويىنشا جۇمىس ىستەيتىن بارلىق مەنەدجەرلەر كونسالتينگتىك كومپانيادا ارنايى سەميناردان وتكەن.
«حالىق بانكىنىڭ دامۋ بليتس تەحنولوگياسىنا قوسىلىپ قانا قويماي, شاعىن جانە ورتا بيزنەسكە نەسيە بەرۋدە جەدەل شەشىمدەر قابىلداۋ قاجەتتىگىن ەسكەرە وتىرىپ, نارىقتا «حالىق كاسىپكەر-35» جوباسىن ىسكە قوستى. بۇل ءبىزدىڭ ماقساتىمىزبەن ۇندەس. قازىر نارىقتا باسەكەلەستىك جوعارى. بۇل تايتالاستا جىلدام ارەكەت ەتكەن بانكتەر وزادى», – دەدى «دامۋ» قورى باسقارما توراعاسىنىڭ ورىنباسارى نۇرلان اقشانوۆ.
«دامۋ» قورىنىڭ ءباسپاسوز قىزمەتىنىڭ مالىمدەۋىنشە نەسيە تۇرلەرى مەن كولەمى تومەندەگىدەي بولادى:
شاعىن نەسيە – قازاقستاننىڭ وڭىرلەرىندە 30 ملن تەڭگەگە دەيىن, استانا مەن الماتى ءۇشىن 60 ملن تەڭگەگە دەيىن بەرىلەدى. ينۆەستيتسيا ءۇشىن 84 ايعا دەيىن, اينالىم قاراجاتىن تولتىرۋعا 36 ايعا دەيىن. شاعىن نەسيە الۋ ءۇشىن كەم دەگەندە 6 اي جۇمىس ىستەپ تۇرعان بيزنەس بولۋى كەرەك.
باستاپقى نەسيە – 20 ملن تەڭگەگە دەيىن بەرىلەدى. ينۆەستيتسيا ءۇشىن 84 ايعا دەيىن, اينالىم قاراجاتىن تولتىرۋعا 36 ايعا دەيىن بەرىلەدى. بيزنەستىڭ تىركەلگەنىنە 36 ايدان اسپاۋى كەرەك.
ەكى نەسيە بويىنشا دا ماقۇلداۋ ۋاقىتى ەكىنشى دەڭگەيلى بانككە ءوتىنىم بەرگەن ۋاقىتتان باستاپ 7 جۇمىس كۇنىنەن اسپايدى.
قازىرگى كەزدە دامۋ بليتس تەحنولوگياسى 15 وڭىردەگى ەكىنشى دەڭگەيلى 14 بانكتە قولدانىلىپ كەلەدى. سالىنعان قاراجاتتىڭ جالپى سوماسى 29 ملرد تەڭگەگە جەتكەن. بۇگىندە جالپى قۇنى 1,5 ملرد تەڭگە بولاتىن 116 جوبا ماقۇلدانعان.
ايناش ەسالي, «ەگەمەن قازاقستان». الماتى