جيىندا جاسالعان كەلىسىم وڭىرگە 1 ملرد اقش دوللارىنا دەيىن ينۆەستيتسيا تارتۋدى قاراستىرادى. مەموراندۋمعا سايكەس, ەلىمىزدىڭ وڭتۇستىك-باتىس ايماعىنداعى مۇناي-گاز, ەلەكترو-ەنەرگەتيكا, اۋىزسۋمەن قامتاماسىز ەتۋ جانە تۋريزم سيياقتى سالالارى دامىتىلماق. ال وبلىس اكىمدىگى تاراپىنان مالايزيالىق كومپانياعا قول قويىلعان قۇجاتتاعى ماقساتتارعا جەتۋگە قولداۋ جاسالىپ, ينۆەستيتسيالاردى قورعاۋ ماسەلەسىندە جاردەم بەرىلەدى. جيىندا مالايزيانىڭ حالىقارالىق ساۋدا جانە يندۋستريا ءمينيسترىنىڭ ورىنباسارى داتۋك احماد حادجي ماسلان ءسوز سويلەپ, كەلىسىمنىڭ ءمان-ماڭىزىن اڭگىمەلەدى. «بۇگىنگى كەلىسىم – ەكى ەل حالقىنىڭ الەۋمەتتىك-ەكونوميكالىق دامۋ جولىنداعى تاعى ءبىر ماڭىزدى كەزەڭ. استاناداعى كورمەگە مالايزيا ۇكىمەتىنىڭ 90-نان استام مۇشەسى مەن جەكە بيزنەس وكىلدەرىنىڭ قاتىساتىندىعىن ەسكەرسەك, الداعى ۋاقىتتا ەكى ەلدىڭ كومپانيالارى اراسىندا ءوزارا تۇسىنىستىك تۋرالى بىرنەشە مەموراندۋمعا قول قويىلىپ, كەلىسىمشارتتار جاسالادى دەپ ويلايمىز. قازىرگى تاڭدا ماڭعىستاۋدا مۇناي مەن گاز وڭدەيتىن 54 ۇڭعىما بار. مالايزيالىق «Rich Energy» كومپانياسى وسى وڭىرگە شەتەلدەردەن ينۆەستيتسيا تارتىپ, 2020 جىلعا قاراي ۇڭعىمالاردىڭ سانىن 88-گە جەتكىزۋدى كوزدەيدى. سونىمەن قاتار, كومپانيا مەتانول شىعارۋ زاۋىتى مەن ەلەكتروستانسا قۇرىلىسىن جانە تابيعي گازدى سۇيىلتۋ قۇرىلعىلارىن ورناتۋدى جوسپارلاپ وتىر», دەدى ول. بىلتىر ەكى مەملەكەت اراسىنداعى ساۋدا-ساتتىق كولەمى شامامەن 50 ملن اقش دوللارىنا جۋىقتاعان. بۇل 2015 جىلعى كورسەتكىشپەن سالىستىرعاندا, 36 پايىزعا ارتىق. ال مالايزيانىڭ قازاقستانعا تاۋار ەكسپورتتاۋ كولەمى 4 ملن اقش دوللارىن قۇرادى. وسىلايشا, مالايزيا تاۋار اينالىمى جاعىنان تمد ايماعىندا ءتورتىنشى ارىپتەسىمىز بولىپ وتىر.
ەكسپو-2017 حالىقارالىق كورمەسى اياسىندا قازاقستان – مالايزيا بيزنەس فورۋمى ءوتتى. وندا ماڭعىستاۋ وبلىسىنىڭ اكىمى ەرالى توعجانوۆ پەن مالايزيالىق «Rich Energy» كومپانياسىنىڭ باس ديرەكتورى شاحۋل حاميد موحد ەكىجاقتى مەموراندۋمعا قول قويدى.