اۋىز سۋ ماسەلەسى وزەكتى بولىپ تابىلاتىن وڭىردە قيىندىقتى ەڭسەرۋ باعىتىنداعى جۇمىستار جۇرگىزىلۋدە. اسىرەسە, اۋىز سۋ پروبلەماسىن شەشۋگە مەملەكەت باسشىسى ن.نازارباەۆتىڭ «نۇرلى جول» باعدارلاماسى ىقپال ەتۋدە. استانا كۇنى قارساڭىندا, وسى مەرەكەگە سىي رەتىندە اقتاۋدا كاسپي سۋ تۇشىتۋ زاۋىتى جاڭعىرتىلىپ, ىسكە قوسىلدى.
زاۋىتتىڭ ونىمدىلىگى بۇعان دەيىن كۇنىنە 10 مىڭ تەكشە مەتر تۇشىتىلعان اۋىز سۋعا مۇمكىندىك بەرەتىن بولسا, ەندى, ياعني جاڭعىرتۋدان كەيىن كۇنىنە 30 مىڭ تەكشە مەتر تۇششى سۋ بەرە الاتىن بولادى.
سالتاناتتى شارادا وبلىس اكىمى ە.توعجانوۆ زاۋىتتا قايتا جاڭعىرتۋ جۇمىستارىنىڭ جالعاساتىندىعىن جەتكىزدى. جۇمىستار ناتيجەسىندە كەلەر جىلى سۋ تۇشىتۋ كولەمى كۇنىنە تاعى دا 20 مىڭ تەكشە مەترگە كوبەيمەك.
گۇلايىم شىنتەمىرقىزى,
"ەگەمەن قازاقستان"
اقتاۋ