وبلىس اكىمى اماندىق باتالوۆ بەستىباەۆتار وتباسىنا ارنايى بارىپ قۇتتىقتادى. ەلباسىنىڭ اتىنان نارەستەگە ارنالعان قۇرال-جابدىقتار, بەسىك, توسەك, قول اربا, ويىنشىقتار سەكىلدى قاجەتتىلىكتەردى سىيعا تارتقان وبلىس باسشىسى: «ەلىمىزدىڭ ون سەگىز ميلليونىنشى تۇرعىنىنىڭ الماتى وبلىسىنىڭ ورتالىعى تالدىقورعان قالاسىندا دۇنيەگە كەلگەنى – ءبارىمىز ءۇشىن ەرەكشە قۋانىشتى وقيعا. دەموگرافيالىق ءوسىمنىڭ جىلدان جىلعا ۇلعايىپ كەلە جاتقانى حالىقتىڭ ەلباسىمىزدىڭ ساليقالى ساياساتىنا, قازاقستاننىڭ بولاشاعىنا دەگەن سەنىمىنىڭ زور ەكەنىن بىلدىرەدى. جاس ۇرپاقتىڭ الاڭسىز ءوسىپ, ءبىلىم الۋىنا ەلىمىزدە بارلىق جاعداي جاسالىپ كەلەدى. ەلباسىنىڭ اتىنان, جەتىسۋ جۇرتشىلىعىنىڭ اتىنان وسى ايتۋلى وقيعامەن شىن جۇرەكتەن قۇتتىقتايمىن. كىشكەنتاي نارەستە امان-ساۋ ءوسىپ, ەر جەتىپ, ەلدىڭ ابىرويلى ازاماتى بولسىن!», دەدى. سونداي-اق, ايماق باسشىسى قالادا كۇزگە تاياۋ پايدالانۋعا بەرىلەتىن جاڭا تۇرعىن ۇيدەن جاس وتباسىنا 3 بولمەلى پاتەر بەرىلەتىنىن جەتكىزدى. ءوز كەزەگىندە ءمۇسليمانىڭ اتاسى ەركىنبەك بەستىباەۆ پەن اجەسى ءبيبىتاي جاسىباەۆا كىشكەنتاي نارەستەگە, جاس وتباسىنا, جالپى, ءوز اۋلەتتەرىنە كورسەتىلگەن ۇلكەن قۇرمەت پەن سىي ءۇشىن پرەزيدەنتكە, وبلىس باسشىلىعىنا ريزاشىلىعىن ءبىلدىردى.
الماس ءنۇسىپ, «ەگەمەن قازاقستان» الماتى وبلىسى