ەكسپو-2017 حالىقارالىق كورمەسىنە كەلۋشىلەر سانى 500 مىڭنان استى. «استانا ەكسپو-2017» ۇق» اق باسپاسوز قىزمەتىنىڭ مالىمەتىنشە, ەلورداداعى شارانى باستاپقى 20 كۇندە جارتى ميلليوننان استام ادام تاماشالاعان. 500 مىڭىنشى قوناق 29 ماۋسىم كۇنى كەشكىسىن تىركەلىپتى.
ەكسپو-2017 كورمەسىنىڭ العاشقى اپتاسىندا كۇندەلىكتى قوناق سانى ورتاشا ەسەپپەن 22840 ادامدى قۇرادى. ال 29 ماۋسىمدا كەلۋشىلەردىڭ سانى 36000-نان اسقان.
بۇعان دەيىن العاشقى بولجامدارعا سۇيەنىپ, حالىقارالىق مامانداندىرىلعان ەكسپو-2017 كورمەسى كورەرمەندەرىنىڭ سانى 2 000 000, ال كىرىپ-شىعۋ كورسەتكىشى شامامەن 5 000 000 بولادى دەپ حابارلانعان.