مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى ماقالاسىن ءوڭىر جۇرتشىلىعىنا ناسيحاتتاۋ ماقساتىندا كەلگەن قر پارلامەنتى ءماجىلىسى دەپۋتاتتارىنىڭ ىشىندە ساكەن قانىبەكوۆ, ءابدىماناپ بەكتۇرعانوۆ, مانسۇرحان ماحامبەتوۆ, ەرجان قۇدايبەرگەن بار.
كەزدەسۋ بارىسىندا ايماق باسشىسى ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىندا اتاپ كورسەتىلگەن مىندەتتەردى نەگىزگە الا وتىرىپ, وبلىستىڭ الەۋمەتتىك–ەكونوميكالىق دامۋى مەن ساياسي تۇراقتىلىعىن قامتاماسىز ەتۋ باعىتىندا جۇيەلى جۇمىستار اتقارىلىپ جاتقاندىعىنا توقتالدى. اكىم سونداي-اق وبلىس ەكونوميكاسىن جاقسارتۋدا حالىقارالىق بايلانىستارعا اسا ءمان بەرىلىپ, ىشكى تۋريزم سالاسىن دامىتۋعا كۇش سالىنىپ وتىرعانىن ءسوز ەتتى.
«ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسى - ماڭىزدى ساياسي-يدەولوگيالىق قۇجات. سەبەبى, بۇل ماقالادا ۇلتتىق قۇندىلىقتارىمىز, مەملەكەتتىڭ ۇلتتىق قۇرىلىمى, قازاق ەلىنىڭ تاريحي مۇرالارى تۋرالى كەڭىنەن ايتىلعان. ءبىزدىڭ بۇگىنگى ەڭ باستى ماقساتىمىز - ەلىمىزدى دامىعان 30 ەلدىڭ قاتارىنا ەنگىزۋ. سوندىقتان ەلباسى ماقالاسىندا زامانعا سايكەس جاڭعىرۋ, ونىڭ ىشىندە رۋحاني جاڭعىرۋ ماسەلەسى جان-جاقتى تالدانىپ, وبلىسىمىزدا تاياۋ جىلدارعا اۋقىمدى مىندەتتەر قويىلىپ وتىر. ءارى حالىقارالىق بايلانىستى نىعايتۋ ارقىلى وڭىرىمىزگە ينۆيستيتسيا تارتۋ مەن كەدەرگىسىز كاسىپكەرلىك ورتاسىن قالىپتاستىرۋ باعىتىندا اۋقىمدى جۇمىستار اتقارىلۋدا»,-دەدى جانسەيىت قانسەيىت ۇلى
ەلباسىنىڭ باستاماسىمەن جۇزەگە اسىپ وتىرعان باعدارلامالاردىڭ ورىندالۋىنا قانىققان حالىق قالاۋلىلارى الداعى ۋاقىتتا وڭتۇستىك قازاقستاننىڭ ءوسىپ-وركەندەۋى جولىنداعى جوبالارعا بارىنشا ءوز ۇلەستەرىن قوسىپ, قولداۋ بىلدىرەتىندىكتەرىن جەتكىزدى.
دەمالىس ۋاقىتىندا وبلىستىڭ بىرقاتار وڭىرلەرىندە بولىپ, سايلاۋشىلارىمەن كەزدەسۋلەر وتكىزەتىن ءماجىلىس دەپۋتاتتارى جەرگىلىكتى جەردەگى اتقارىلىپ جاتقان ىستەرمەن تانىسىپ, كوپشىلىكتىڭ وي-پىكىرلەرىن تىڭداماق.