تۇزەۋ مەكەمەسىندە دە دىنارالىق تاتۋلىق بار

شاراعا «استانا قالاسىنىڭ قىلمىستىق-اتقارۋ جۇيەسى دەپارتامەنتى» مم باسشىسى, ادىلەت پولكوۆنيگى ن. رىسباەۆ, «استانا قالاسىنىڭ ءدىن ىستەرى جونىندەگى باسقارماسى» مم باسشىسى د. ەسين جانە استانا قالاسىنىڭ ءدىني بىرلەستىكتەرىنىڭ وكىلدەرى قاتىستى. اتالعان شارانىڭ ماقساتى: «تۇزەۋ مەكەمەلەرىندەگى جازاسىن وتەۋشىلەر اراسىندا دىنارالىق تاتۋلىقتى ساقتاۋ, دەسترۋكتيۆتىك ءدىني اعىمداردىڭ تارالىۋىنىڭ الدىن الۋ, تەرىس اعىمداردىڭ زياندى تۇستارىن ءتۇسىندىرۋ جانە وعان قارسى تۇراتىن يممۋنيتەت قالىپتاستىرۋ».

شارا بارىسىندا كەلگەن قوناقتار تۇزەۋ مەكەمەسىنىڭ بارلىق عيماراتىن ارالاپ كورىپ, ونداعى جازاسىن وتەۋشىلەردىڭ جاعدايلارىمەن, تەولوگتىڭ, پسيحولوگتىڭ ت.س.س ارنايى ماقساتتاعى كابينەتتەرمەن تانىستى.

ءدىن ىستەرى جونىندەگى باسقارماسىنىڭ باسشىسى دانيار ەسين: «2011 جىلى قر ءدىني قىزمەت جانە ءدىني بىرلەستىكتەر تۋرالى» زاڭى قابىلداندى جانە سول زاڭنىڭ اياسىندا ءدىني بىرلەستىكتەر قايتا تىركەۋدەن ءوتتى, قازىرگى تاڭدا ەلىمىزدە دىنارالىق تاتۋلىقتىڭ كوركەم ۇلگىسى قالىپتاسقان, وسىنداي تاتۋلىعىمىزدى ارقاشان باسقالارعا ۇلگى ەتۋىمىز قاجەت» دەپ اتاپ ءوتتى.

«نۇر-استانا» ورتالىق مەشىتىنىڭ نايب يمامى ءادىلحان سەرىكباي: ء«دىن – ول شىنايى قارىم-قاتىناس. سۋدىڭ دا سۇراۋى بار دەمەكشى ءبىز ءاربىر ىسىمىزگە جاۋاپ بەرەمىز. سوندىقتان دا مەيلى وزگە ءدىن وكىلى بولسا دا وعان دەگەن مامىلەمىز دۇرىس بولۋى قاجەت. يسلام دىنىندە دىنارالىق تاتۋلىققا اسا ءمان بەرەدى. ءدىن ماسەلەسىندە تولىقتاي حاباردار بولمايىنشا, قاراپايىم حالقىمىز ءارتۇرلى دەسترۋكتيۆتى ءدىني ۇيىمداردان زارداپ شەگۋدى دوعارماسى انىق. دەسترۋكتيۆتى اعىمداردىڭ كەرى اسەرىنەن ەلىمىزدىڭ تۇرعىندارىن قورعاپ قالۋدىڭ وتە ءتيىمدى ءارى ناتيجەلى جولى – اقپاراتتاندىرۋ» دەدى.

ريم-كاتوليك شىركەۋىنىڭ ەپيسكوبى توماش پەتتا بەرنارد «بۇل شارا وتە پايدالى ءارى ورتاق ءۇيىمىز قازاقستاننىڭ ءبىر بولشەگى بولعان سىزدەردىڭ ۋاقىتشا ۇيلەرىڭىز, ياعني وسى مەكەمەدەگى جاعدايلارىڭىزبەن تولىقتاي تانىستىق, وسىنداي جاعداي تۋعىزىپ وتىرعان مەكەمە باسشىلىعىنا العىسىم شەكسىز, بۇدان بىلاي جيىرەك كەلىپ كەزدەسىپ تۇرۋعا ۋادە بەرەمىن» دەدى.

پراۆوسلاۆ شىركەۋىنىڭ وكىلى, استانا قالاسىنىڭ سەرافيم-ساروۆسكي حرامىنىڭ ارحيماندريتى وتەتس يواساف بۇل مەكەمەگە اي سايىن كەلىپ جازاسىن وتەۋشىلەرمەن كەزدەسىپ تۇراتىندىعىن, جانە كەزدەسۋ بارىسىندا دىنارالىق تاتۋلىقتىڭ ماڭىزدى فاكتور ەكەندىگىن ءاردايىم ايتاتىندىعىن جەتكىزدى.

اتالعان, ءىس-شارا استانا قالاسىنىڭ اكىمدىگى جانىنداعى ءدىني بىرلەستىكتەرمەن بايلانىس جونىندەگى كەڭەستىڭ جۇمىسى اياسىندا ۇيىمداستىرىلىپ, بولاشاقتا جۇيەلى تۇردە وتكىزىلەدى دەپ جوسپارلانۋدا.