استانادا باس پروكۋرور جاقىپ اسانوۆتىڭ ۇلىبريتانيا جوعارعى سوتىنىڭ بۇرىنعى سۋدياسى, بلاكستوۋن چەمبەرس توبىنىڭ تورەشىسى مەن مەدياتورى, سوت جانە حالىقارالىق تورەلىك ورتالىعىن قۇرۋ مەن دامىتۋ بويىنشا «استانا» حالىقارالىق قارجى ورتالىعىنىڭ ساراپشىسى لورد گەري ۆۋلفپەن كەزدەسۋى ءوتتى, دەپ حابارلادى باس پروكۋراتۋرانىڭ ءباسپاسوز قىزمەتى.
ءىس-شاراعا قازاقستان باس پروكۋرورىنىڭ ورىنباسارى اندرەي كراۆچەنكو, حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ پەن «استانا» حالىقارالىق قارجى ورتالىعى اكىمشىلىگى» اق باسقارما توراعاسى نۇرلان قۇسايىنوۆ قاتىستى.
كەزدەسۋ بارىسىندا قازاقستان باس پروكۋراتۋراسىمەن قۇرىلاتىن سوت جانە حالىقارالىق تورەلىك ورتالىعىمەن ىنتىماقتاستىقتى جانە ءوزارا ءىس-قيمىلدى نىعايتۋ ماسەلەلەرى, سونداي-اق, ىنتىماقتاستىق تۋرالى مەموراندۋمعا قول قويۋ مۇمكىندىگى تالقىلاندى.
كەزدەسۋ سوڭىندا جاقىپ اسانوۆ لورد گەري ۆۋلفقا ساپارى ءۇشىن العىس ايتا وتىرىپ, وسى كەزدەسۋ ىنتىماقتاستىقتى دامىتۋ ءۇشىن قوسىمشا سەرپىن بولادى دەگەن سەنىمىن ءبىلدىردى.